Ölkə

"Onu hələ də özümə bağışlaya bilmirəm" - Mətanət Manafla ararındakı gərginlikdən DANIŞDI - YENİLƏNİB - FOTO

23 Noyabr 2018 12:55

19 Şərh Baxış: 19 758

#ŞOU-BİZNES #MARAQLI #CƏMİYYƏT #MÜĞƏNNİ #XAÇMAZ

12:55

Zaur canlı yayımda Mətanətə zəng edərək Manafla aralarındakı incikliyin səbəbini ondan da soruşub.

Mətanət Manafa səs tonunu qaldırmaq səbəbini canlı yayımda açıqlayıb:

"Başqa telekanalda verilişlərin birində aparıcıya qayıdıb deyir ki, "Məni özümdən aparan Elnarənin ifasıdır. Nüşabə də oxuyur. Hə, nə olsun Mətanət də oxuyur". Mən də Manafa bildirmişdim ki, "Mən "nə olsun" deyiləm də". Manaf orada Elnarə xanımı, canım-ciyərimi tərifləyib də. Düşmənimizi tərifləməyib ki. Hərənin xoşu gələn bir səs var da. Manaf belə dediyi üçün xətrimə dəydi. Özgəsi desəydi, mən barədə elə, heç umrumda da olmazdı. Çünki Manaf mənim qardaşımdı axı. Uman yerdən küsərlər. Amma özümdə olmadım, səsimin tonunu bir az qaldırdım. Onu hələ də özümə bağışlaya bilmirəm".

----------
12:09

Manaf Ağayev "5/5"də Mətanət Əsədova ilə aralarındakı incikliyin əsl səbəbindən danışıb.

Milli.Az xəbər verir ki, şou-biznesin ən mehriban həmkarlarından hesab edilən müğənnilərin aralarındakı soyuqluğa səbəb Mətanətin Manafa qışqırması olub.

M.Ağayev canlı yayımda məsələ ilə bağlı açıqlama verib:

"Mənlə danışanda bir az qışqıra-qışqıra danışdı. Dedim "Az, mənlə danışırsan e, bir az sakit danış". Belə, incidi. Allah haqqı elə olub.İndi aramız əladır. Bilir mən onun üçün kim olmuşam. Ona görə də ərk edirəm. Lazım gəlsə, vurulmalıdırsa, vuraram, döyməlidirsə, döyərəm, çox istəməlidirsə, çox istəyərəm".

Məhəmməd Vaqif
Milli.Az