Ölkə

"Anam öz ayağı ilə "Medika Hospital"a getdi, həkim səhvinə görə ayağından oldu" - FOTO

16 İyun 2017 17:56
5 Şərh     Baxış: 4 409

Azərbaycanda daha bir xəstə həkim səhlənkarlığının qurbanı olub.

Milli.Az xəbər verir ki, azxeber.com-a müraciət edən Şaiq Şirinov adlı şikayətçi anasının "Medika Hospital"da müayinəyə getdiyini, daha sonra isə ayağını itirmək təhlükəsi ilə üz-zə gəldiyini deyir. Cərrah travmatoloq Emin Kazımdan şikayətçi olan Şaiq Şirinov deyir:

"Anam ayağındakı ağrılara görə 2017-ci ilin yanvarın 4-də "Medika Hospital" xəstəxanasına müraciət edib. Həmin gün anam müayinə olundu. Həkim bildirdi ki, diz qapağında qığırdaq yeyilib. Əməliyyat olunmalıdır. Həkimə dedim ki, anamın 64 yaşı var, acı fəsadlar ola bilər. Həkim təkidlə bildirdi ki, heç bir problem yoxdur. Əməliyyatdan 3 gün sonra yeriyəcək. Ödənişi də 7 min manat tələb etdi. Biz də dərhal ödədik. Ayın 7-si əməliyyat olundu. Əməliyyat zamanı anamın sinir sistemi kəsilib. Həkim sinirin ötəri hal olduğunu bildirdi. Dedi ki, müəyyən müalicələrdən sonra ötüb keçəçək. Biz 1 aydan sonra gördük ki, sinir tərpənmir. Biz Mərkəzi Klinikaya apardıq, orada Lalə xanım diaqnoz qoydu ki, ayaq siniri kəsilərək tam məhv edilmişdi".

Şikayətçinin sözlərinə görə, həkim onlara əməliyyatdan bir həftə sonra anasının ayağını tərpədə biləcəyini deyib:

"Həkim bildirmişdi ki, əməliyyatdan 1 gün sonra ayaq işləyəcək. Amma olmadı. Həkimə vəziyyəti bildirdik. Həkimə siniri kəsdiyini dedik. Qətiyyətlə təkzib etdi. Bizə xəstəxananın rəhbərliyinin yanına qalxmağa da imkan vermədi. Sonra ayağın günü-gündən çürüyüb, şişdiyin gördük".

Şikayətçi deyir ki, bütün həkimlər eyni sözü deyib: "Daha sonra başqa həkimlərə müraciət etdik. Dedilər ki, ayağa qoyulan implant keyfiyyət baxımından zəifdi. Ona görə ayaqda çürümə baş verib. Həkimə dedim ki, qoyduğun sinir çürümə verir, siniri də kəsmisən. Həkim cavabında "gedin nə istəyirsiz edin" dedi. Daha sonra anamı Türkiyəyə apardıq, çünki Azərbaycanda bildirmişdilər ki, ayaq kəsilməlidir. Anam Türkiyədə əməliyyat olundu. Hazırda ayağın kəsilmə təhlükəsi keçib, burada qoyulan keyfiyyətsiz implant çıxarılıb. Amma diz qapağı bir müddət qapanmayacaq. 1-2 gündən sonra sinir əməliyyatı olunacaq. 10 gün qaldıqdan sonra Azərbaycana gətirəcəyik. Oktyabr ayında bir dəfə də müayinə olunacaq. Daha sonra rahat yeriyə biləcək".

Şikayətçi həkim Emin Kazım bağlı Xətai Rayon Prokurorluğuna şikayət ərizəsi ilə müraciət etdiyini bildirib. O, həkimin onlara dəymiş ziyanın - 40 min manatı ödəməsini tələb edir.

Məsələ ilə bağlı azxeber.com-a danışan həkim iddiaları qəbul etmir:

"Sinirin kəsilməsini yalnız Şaiq deyir. Sinir kəsilə bilməz. Protest qoyulanda mən vəziyyəti onlara dedim. 1000 xəstədən 14-də bu hal yarana bilər. Biz təkcə sol tərəfi əməliyyat etməmişik. Sağ ayağında hər şey normaldır. Birinci gün bəzi hərəkətlər oldu. Xəstə yaxınları səhlənkarlıq edib, fizioterapiyaya aparmayıblar. Nəticədə sinir ölüb".

Həkimin sözlərinə şikayətçilər ondan Türkiyədə çəkilən xərcin ödənilməsini tələb ediblər:

"Məndən əməliyyatın pulunu tələb edirlər. Xaricdə əməliyyat etdiriblər. Buna mənim gücüm çatmaz. Amma Azərbaycan daxili edəcəkləri müalicələrə müəyyən köməklik edərəm. Ümumilikdə, 7 min manat ödəniş olunub. Onun da 5 mini protezə, 1000 AZN-də klinikaya verilib. Mənə cəmi 1000 AZN qalıb. Onu da xəstəyə bir oğlu kimi verə bilərəm. Xəstənin yaxınları mənə qarşı təhqiramiz ifadələr işlədirlər. Mən özüm onlara dedim ki, gedin aidiyyəti qurumlara şikayət edin. Yox, əgər onlar belə təhqirlərə davam edəcəklərsə, mən özüm onlardan şikayət edəcəm".

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

5 Şərh:

  • Anonim
    Taksi · 16 İyun 18:1910

    Dagıl dünya gör nə günlərə qalmışıq.belə olacaq da hər bir kilinika tikib oturub orda belə hallar çox olaçaq

    Cavab yaz
  • Anonim
    ? · 16 İyun 18:2400

    Haram olsun belə həkimlərə.

    Cavab yaz
  • Anonim
    melik · 16 İyun 18:4910

    ozel xestexanalar yoxee qessabxanalar kim eline dusse kesirler

    Cavab yaz
  • Anonim
    · 16 İyun 19:4100

    Ay bu bezi hekimler sayesinde olseyde onlara ozumuzu etibar etmirik.Agrimayan yerimiz yoxdu amma getmerem!! 7 mini guya beh behle yeye bilecek.Yuxusunda.Allah anaya komek olsun.Amin.

    Cavab yaz
  • Anonim
    Heyat · 16 İyun 21:1900

    Vayy vayy vayyy eger bu cur hekimlerin boynuna elediklerini qoya bilsek.sudan ele quru cixirlar ki,elin uzunde qalir.yaxwi ki hele boynuna aldi ki mene 1000 man.qalib.uzlerine durub demedi ki hele Wukur elesinler ki havayi emeliyyat etmiwem.Allah hec kimi xeste edib hekimlerin eline salmasin.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.