Ölkə

Lənkəranda lazım olan dirəyi basdırdılar - FOTO

9 Fevral 2017 15:27
1 Şərh     Baxış: 21 159

Lənkəran Telekommunikasiya Qovşağının və Səpnəkəran kəndində telefon rabitəsinə cavabdeh şəxslərin fəaliyyətsizliyindən şikayətçi olan həmin kəndin sakini Səfalı Qənbərov bildirib ki, artıq telefon dirəyi ilə ilə bağlı problem həll olunub. S.Qənbərov deyib ki, problem məhz Milli.Az-da məsələ ilə bağlı tənqidi yazının yer almasından sonra həllini tapıb.

Onun sözlərinə görə, hələ ötən ilin yayında Səpnəkəran kəndində telefon rabitəsinə məsul olan şəxslərə, daha sonra Lənkəran Telekommunikasiya Qovşağına müraciət edərək qonşunun telefon xəttinin evlərinin damından keçməsi səbəbindən öz evlərinin köhnəlmiş damını tam təmir edə bilmədiklərini bildirib. Onlar da problemin həlli üçün, sadəcə, əlavə telefon dirəyinə ehtiyac olduğunu deyiblər, amma üstündən 6 aya yaxın vaxt keçib, heç bir yenilik olmayıb:

"Dünən sizin sayt vasitəsilə etdiyimiz şikayətdən dərhal sonra rabitəçilər mənimlə əlaqə saxlayıb məsələ ilə yenidən maraqlandılar. Bu gün isə şəxsən Lənkəran Telekommunikasiya Qovşağının rəisi Şahlar İsmayılovun rəhbərliyi altında əraziyə telefon dirəyi basdırıldı, qonşunun telefon xətti də ayrıca çəkildi. Şahlar müəllim problemin gec həll olunmasına görə üzr də istədi. Rəis dedi ki, əslində, o, hələ sentyabrda bununla bağlı tapşırıq verib. Lakin işçilər işin icrasına səhlənkar yanaşıblar və bu barədə məlumat verməyiblər. Dünən isə şikayətdən xəbərdar olan kimi, şəxsən özü məsələni nəzarəti altına götürüb. Bu gün də problemi həll edib. Rəisin sözlərinə görə, tapşırığı yerinə yetirməyən işçilərin əməli araşdırılacaq və onlar müvafiq qaydada cəzalanacaqlar".

Pünhan Mirzə
Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

1 Şərh:

  • Anonim
    melik · 9 Fevral 15:3100

    bu qeder eziyet cekmek lazim deyildii

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.