Ölkə

Şəbnəm Tovuzlunu MTN-ə apartdıran iş adamı danışdı: "Onun adını…"

14 İyun 2016 11:07
0 Şərh     Baxış: 10 810
VTB-də minimal faiz dərəcəsi ilə nağd kredit 10.49%-dən
#ŞOU-BİZNES #CƏMİYYƏT #KRİMİNAL #POLİS #MÜĞƏNNİ #CİNAYƏT

Müğənni Şəbnəm Tovuzlunun MTN-ə aparılması məsələsində adı hallanan iş adamı Famil Xəlilov musavat.com saytına müsahibə verib.

Milli.Az adıçəkilən sayta istinadən bildirir ki, biznesmen həbsdə olan MTN generalı Akif Çovdarovla ortaq olduğu, Ş.Tovuzlunun məcburi şəkildə MTN-ə aparıldığı barədə iddialara münasibət bildirib.

"Evrostroy-S" şirkətinin sahiblərindən biri olan Famil Xəlilov müsahibəsində Ş.Tovuzlu barədə suallara cavab vermək istəməyib: "Xahiş edirəm, Şəbnəm haqda mənə sual verməyin, onun adını hallandırmayın".
 
Biznesmen Akif Çovdarovla şərik olması barədə deyilənlərə də münasibət bildirib. O deyib ki, Akif Çovdarovun "heç sifətini tanımır".
 
İş adamı MTN-ə aparılması barədə də danışıb. O bildirib ki, keçmiş şəriki R.Q.-dan MTN-ə şikayət edilibmiş, o da bu vasitə ilə MTN-ə gedib: "Ondan MTN-ə şikayət eləmişdilər. O da MTN-dən zəng elədi, məni çağırtdırdı. Orada məndən pul istədilər. Dedim, vermirəm. 150 min pul aldılar, bizi buraxdılar".
 
Biznesmenin sözlərinə görə, MTN-də pulun kimə verildiyini bilmir, çünki pulu o yox, ortağı verib. Məhz bu səbəbdən də generalların həbsindən sonra onlardan şiklayət etməyib".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.