Ölkə

ATV əməkdaşlarının döyülməsinə MTRŞ-dan MÜNASİBƏT

6 İyun 2016 12:45
6 Şərh     Baxış: 2 627
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"ATV-nin "Yoxlama" verilişi normal-maarifləndirici layihədir. Verilişin buraxılışlarını izləyərkən konsepsiyasının nədən ibarət olduğu ortaya çıxır. Bildiyimiz kimi, xarici televiziyalarda da bu tip verilişlər var və kifayət qədər baxımlı verilişlərdir".

Milli.Az bildirir ki, bunu APA-ya Milli Televiziya və Radio Şurasının (MTRŞ) Ekspertiza, proqramlaşdırma və analitik şöbəsinin müdiri Təvəkkül Dadaşov deyib. O qeyd edib ki, "Yoxlama" verilişinin monitorinqi zamanı hazırda qanunvericiliyin tələblərinin ciddi pozulması hallarına rast gəlinmir: "Lakin səs-küyə səbəb olan istənilən veriliş kimi, bu veriliş də xüsusi olaraq diqqətimizdədir. Verilişin buraxılışları izlənilir. Biz verilişə teleradio yayımı haqqında qanunvericiliyin prizmasından yanaşırıq. Lakin bir tamaşaçı kimi yanaşanda verilişin müsbət missiyası, istehlakçıların hüquqları baxımından müsbət mahiyyətini danmaq olmaz. Həm də onu da nəzərə almaq lazımdır ki, bu veriliş xeyli vaxtdır, efirdədir. Sahibkarlığın inkişafı baxımından problem yaratsaydı, müvafiq qurumların reaksiyası müşahidə olunardı".
 
Qeyd edək ki, ATV telekanalının "Yoxlama" layihəsinin əməkdaşları Şamaxıda çəkiliş apardıqları zaman "Şamaxı" yeməkxanasında münaqişə yaşanıb. Daxili İşlər Nazirliyinin yaydığı məlumata görə, iATV telekanalının "Yoxlama" layihəsinin əməkdaşları - Azər İsmayılov, Elgün Bayramlı, Loğman İsmayılov, Arif Quliyev, İlqar Quliyev və Polad Axundzadə ilə Şamaxıda çəkiliş apardıqları "Şamaxı" yeməkxanasında oranın sahibi Hüseyn Allahverdiyev və qohumu Elşad Osmanov arasında münaqişə baş verib. Bu zaman H.Allahverdiyev və E.Osmanov ATV telekanalının əməkdaşlarını döyüb, habelə onlara məxsus videokameranı, səs qurğusunu və digər avadanlıqları sındırıblar. Toplanmış material rayon prokurorluğuna göndərilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.