Ölkə

Bayraq Meydanının sabiq rəisinin şikayəti rədd edildi

18 Dekabr 2015 16:04

0 Şərh Baxış: 2 252

VTB-də minimal faiz dərəcəsi ilə nağd kredit 9.9%-dən

#SABİQLƏR

Bu gün Bakı Apelyasiya Məhkəməsində Dövlət Bayrağı Meydanı Kompleksi İdarəsinin həbsdə olan sabiq rəisi Rəşad Məmmədovun Səbail Rayon Məhkəməsi tərəfindən barəsində seçilmiş həbs qətimkan tədbirinin daha 3 ay müddətinə uzadılmasından verdiyi apelyasiya şikayətinə baxılıb.
Bu barədə Trend-ə R.Məmmədovun vəkili Akif Əlizadə məlumat verib.

Vəkil bildirib ki, hakim İlqar Murquzovun sədrliyi ilə keçirilən prosesdə araşdırılan şikayət rədd edilib. Hakim birinci instansiya məhkəməsinin qərarını qüvvəsində saxlayıb.

Qeyd edək ki, R.Məmmədov bu il may ayının 12-də saxlanılıb və onun barəsində Səbail Rayon Məhkəməsinin qərarı ilə 3 ay müddətinə həbs qətimkan tədbiri seçilib. Sonradan onun barəsində seçilmiş həbs qətimkan tədbirinin müddəti daha 3 ay müddətinə uzadılıb. Ona Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi il cinayət işi açılıb.

R.Məmmədov hazırda Milli Təhlükəsizlik Nazirliyinin istintaq təcridxanasında saxlanılır.

Milli.Az