Ölkə

Cahangir Hacıyevin daha bir şikayəti rədd edildi

17 Dekabr 2015 16:26
0 Şərh     Baxış: 2 517
VTB-də minimal faiz dərəcəsi ilə nağd kredit 9.9%-dən
#SABİQLƏR

Bu gün Nərimanov rayon məhkəməsində Azərbaycan Beynəlxalq Bankının İdarə Heyətinin həbsdə olan sabiq sədri Cahangir Hacıyevin Baş Mütəşəkkil Cinayətkarlıqla Mübarizə İdarəsində saxlanılmasının qanunsuz olması barədə verdiyi şikayətə baxılıb.

Trend-in məlumatına görə, hakim Kamil Məmmədovun sədrliyi ilə keçirilən prosesdə şikayət araşdırılsa da, təmin edilməyib.

Qeyd edək ki, C.Hacıyev barəsində məhkəmə qərarı ilə həbs qətimkan tədbiri seçilsə də, o, 1 saylı Bakı İstintaq təcridxanasına köçürülməyib və hələ də Baş Mütəşəkkil Cinayətkarlıqla Mübarizə İdarəsində saxlanılır.

Xatırladaq ki, C.Hacıyev Cinayət Məcəlləsinin 178 (dələduzluq), 178.3.2 (dələduzluq; külli miqdarda ziyan vurmaqla törədildikdə), 179 (mənimsəmə və ya israf etmə), 179.2.3 (mənimsəmə və ya israf etmə; şəxs tərəfindən öz qulluq mövqeyindən istifadə etməklə törədildikdə), 179.3.2 (mənimsəmə və ya israf etmə; külli miqdarda mənimsəmə), 308.2 (vəzifə səlahiyyətlərindən sui-istifadə; ağır nəticələrə səbəb olduqda), 309 (vəzifə səlahiyyətlərini aşma) və 312-ci (rüşvət vermə (aktiv rüşvətxorluq) maddələri ilə ittiham olunaraq barəsində Nərimanov rayon məhkəməsinin qərarı ilə 4 ay müddətinə həbs qətimkan tədbiri seçilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.