Ölkə

DTX kibertəhqiqat istiqaməti üzrə fəaliyyətə başlayıb

4 İyun 2026 13:29
Baxış: 449
VTB-də minimal faiz dərəcəsi ilə nağd kredit 9.9%-dən

Azərbaycanda Dövlət Təhlükəsizliyi Xidmətinin (DTX) tərkibində kibertəhqiqat istiqaməti fəaliyyətə başlayıb.

Milli.Az xəbər verir ki, bunu Dövlət Təhlükəsizliyi Xidmətinin Milli Kibertəhlükəsizlik Mərkəzinin rəisi Davud Rüstəmov "4-cü Milli Kibertəhlükəsizlik Forumu" çərçivəsində keçirilən "Milli Kibertəhlükəsizlik Ekosistemi" mövzusunda sessiyada deyib.

O qeyd edib ki, kibertəhqiqatın prosessual və kibertədqiqat istiqamətlərinin tandem şəklində fəaliyyət göstərməsi kibertəhdidlərə qarşı mübarizədə mühüm irəliləyişlərin əldə olunmasına xidmət edir və bu istiqamətdə ciddi nəticələrin əldə olunması hədəflənib.

"Mütləq sürətdə dövlət-özəl tərəfdaşlığının, süni intellekt əsaslı müdafiə mexanizmlərinin gücləndirilməsi, risklərin qiymətləndirilməsi, eyni zamanda, böyük həcmli məlumatlarda yeni risklərin meydana çıxmaması üçün süni intellekt həllərinin artırılması istiqamətində təşəbbüslərimizi artırmalıyıq", - deyə o əlavə edib.

D.Rüstəmov kibertəhlüksəzliyin qorunması istiqamətində beynəlxalq əməkdaşlıqdan da bəhs edib:

"Dünyanın 160 kibertəhlükəsizlik mərkəzi ilə əlaqə nöqtələrimiz var. Budapeşt Konvensiyası çərçivəsində 24/7 əlaqə kanalı üzrə kibercinayətkarlıq hallarının araşdırılması istiqamətində tədbirlər görürük. BMT-nin yeni qəbul olunmuş və Azərbaycanın ilk ratifikasiya etdiyi kibertəhlükəsizliklə bağlı konvensiyası üzərində də işlər gedir". /Trend

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.