Ölkə

Bakı-Tbilisi-Bakı sərnişin qatarının fəaliyyəti bərpa olunur - Bu tarixdən - YENİLƏNİB

19 May 2026 10:47

Baxış: 3 083

VTB-də minimal faiz dərəcəsi ilə nağd kredit 9.9%-dən

#QATAR

Xəbər verdiyimiz kimi, Bakı-Tbilisi-Bakı marşrutu üzrə gündəlik sərnişin qatarlarının xidmətini bərpa etmək barədə razılığa gəliblər.

Milli.Az-ın sorğusuna cavab olaraq "Azərbaycan Dəmir Yolları" QSC-dən bildirilib ki, Azərbaycan və Gürcüstan hökumətləri arasında Birgə Kommünikeyə əsasən, 26 may 2026-cı il tarixindən etibarən Bakı-Tbilisi-Bakı marşrutu üzrə sərnişin qatarlarının fəaliyyəti bərpa olunacaq.

__________

Azərbaycan və Gürcüstan 26 may 2026-cı il tarixindən etibarən Bakı-Tbilisi-Bakı marşrutu üzrə gündəlik sərnişin qatarlarının xidmətini bərpa etmək barədə razılığa gəliblər.

Milli.Az xəbər verir ki, bu razılaşma iki ölkə arasında imzalanmış Koordinasiya Şurasının Protokolunda əks olunub.

Qeyd edilib ki, Protokol həmçinin dəmir yolu infrastrukturunun idarə olunmasına nəzarəti "BTKI Dəmir Yolları" MMC Birgə Müəssisəsinə ötürməyi təsdiqləyir ki, bu da regional bağlantının gücləndirilməsində mühüm addımdır.

Qeyd edək ki, Bakı-Tbilisi-Bakı sərnişin qatarının fəaliyyəti 2020-ci ilin mart ayında COVID-19 pandemiyası və xüsusi karantin rejimi ilə əlaqədar dayandırılıb.

Ayxan
Milli.Az