Ölkə

Bölgədə gərginlik uzanarsa, ərzaq qiymətləri dəyişə BİLƏR

4 Mart 2026 17:20

Baxış: 2 017

VTB-də minimal faiz dərəcəsi ilə nağd kredit 9.9%-dən

#IRAN #AZƏRBAYCAN #KARTOF

İran baş verən hadisələrə görə bir çox məhsuların ixracına qadağa qoyub. Azərbaycan da İrandan bir çox məhsulu idxal edir. Bunlardan gündəlik istifadə etdiyimiz kartof, pomidor, yumurta və xurmanı misal çəkmək olar.

Məsələ ilə bağlı kənd təsərrüfatı eksperti Vahid Məhərrəmov Milli.Az-a açıqlamasında bildirib ki, yaxın günlərdə ölkədə faraş kartof bazara çıxacaq və bu da təklifi artıracaq.

"Yerli kartof hazırda daxili tələbatı ödəməyə kifayət edir və bu səbəbdən qiymətlərdə artım gözlənilmir. Yumurta ilə bağlı Azərbaycan İrandan ərzaqlıq deyil, az miqdarda damazlıq idxal edir. Pomidorun qiymətində isə əvvəlki illə müqayisədə artım yoxdur. Bu, məhsulun daxili bazara çıxarılması ilə bağlıdır. Xurmaya gəldikdə isə, bu məhsul əsasən xaricdən idxal olunur. Ramazan ayı ilə əlaqədar kifayət qədər xurma ehtiyatı mövcuddur. Lakin bölgədə müharibə uzun müddət davam edərsə, bu, bazara müəyyən təsir göstərə bilər", - deyə o qeyd edib.

Ayxan

Milli.Az