Ölkə

Sabiq nazirin şirkəti deputat avtomobillərinə qulluq göstərəcək?

19 Fevral 2026 16:26

Baxış: 2 106

VTB-də minimal faiz dərəcəsi ilə nağd kredit 9.9%-dən

#MİLLİ MƏCLİS #DEPUTAT

Son günlər bir sıra xəbər saytlarında Azərbaycan Respublikası Milli Məclisi ilə "İmprotex Motors" MMC arasında Milli Məclisin nəqliyyat vasitələrinə texniki xidmət göstərilməsinə dair bağlanmış müqavilə barədə məlumatlar yayılıb.

Həmin xəbərlərdə müqavilənin maliyyə dəyərinin 2 milyon 282 min 605 manat olduğu iddia edilir.

Milli Məclisin Mətbuat və ictimaiyyətlə əlaqələr şöbəsindən Milli.Az-a bildirilib ki, yayılan məlumat həqiqəti əks etdirmir.

"Bildiririk ki, tərəflər arasında bağlanmış müqaviləyə əsasən "İmprotex Motors" MMC Milli Məclisin rəsmi zəmanətdə olan nəqliyyat vasitələrinə yağ və sürtkü materiallarının dəyişdirilməsi, ehtiyat hissələrinin təmin olunması, eləcə də müvafiq servis xidmətlərinin göstərilməsini həyata keçirəcək. Müqavilənin ümumi məbləği isə 22 min 826 manat təşkil edir." deyə məlumatda qeyd edilib.

Milli.Az