Ölkə

Ötən il vəkillərə 6 milyon manat ödənilib

31 Yanvar 2026 12:21
Baxış: 556
VTB-də minimal faiz dərəcəsi ilə nağd kredit 9.9%-dən
#PUL #VƏKİL

Son 3 ildə vəkilliyə test üsulu ilə 6 yazılı imtahan keçirilib. Ümumilikdə son 8 il ərzində bu rəqəm 16-ya çatıb Bu imtahanlarda 6 893 namizəd iştirak edib, onlardan 1 975 nəfər icbari təlim mərhələsini uğurla başa vuraraq and içib və nəticədə ölkəmizdə vəkillərin sayı 3 dəfədən çox artaraq 2825-ə çatıb. Qeyd olunanlardan 2706 nəfəri aktiv vəkillik fəaliyyəti ilə məşğuldur, 12 vəkilin fəaliyyəti müvəqqəti dayandırılıb, 107 vəkil isə dövlət qulluğundadır.

Milli.Az xəbər verir ki, bunu Azərbaycan Respublikası Vəkillər Kollegiyasının (VK) sədri Anar Bağırov VK üzvlərinin növbəti konfransında çıxışı zamanı deyib.

Vəkilliyə test üsulu ilə qəbulun 2004-cü ildən tətbiq olunduğunu qeyd edən sədr 2025-ci ildə vəkillərə ödənilən haqqın saatda 6 manatdan 11 manata qaldırıldığını bildirib: "Qeyd edim ki, 2025-ci ildə vəkillərə 34 min 73 qərar üzrə 5 milyon 999 min 874 manat ödənilib. Növbəti il üçün isə dövlət büdcəsindən ödənişsiz hüquqi yardıma görə 9 milyon manat vəsait ayrılıb".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.