Bürcünə görə hansı ölkədə yaşamalısan? Astrologiyada yeni trend

Astrologiya dünyasında yeni bir axın formalaşır: "Ruhun aid olduğu coğrafiya." Doğulduğunuz ayın enerjisi, xarakteriniz və ulduzların düzülüşü hansı ölkədə özünüzü həqiqətən "evdə" hiss edəcəyinizi pıçıldayır. Bəlkə də qəlbinizdəki o izaholunmaz səyahət tutqusunun səbəbi budur!

Milli.Az mütəxəssis astroloqların təhlillərinə əsasən doğulduğunuz aya görə ruhunuzun aynası olan ölkələri təqdim edir:

Yanvar: Yaponiya
İddialı Oğlaq və yenilikçi Dolçaların ayı olan Yanvar qədim biliklərlə gələcəyi birləşdirir. Yaponiya keçmişə dərin hörmət ilə texnoloji inqilabı eyni qazanda əritməsi ilə Yanvar doğumluların rəfinə zövqlərinə və dözümlü ruhuna tam uyğundur.

Fevral: İslandiya
Adilikdən qaçan Dolça və Balıqlar üçün İslandiya bu dünyadan olmayan bir dayanacaqdır. Şimal işıqları və buzlaqların altındakı isti su qaynaqları Fevral doğumluların ruhundakı o mistik və intellektual dərinliyi təmsil edir.

Mart: İrlandiya
Xəyalpərəst Balıqlar və cəsur Qoçların enerjisi İrlandiyanın asi, lakin şəfqətli təbiətində bədən tapır. Fərdiliyə önəm verən, ədalət hissi güclü və təbiətin vəhşi gözəlliyinə aşiq olan Mart doğumlular üçün bura azadlığın simvoludur.

Aprel: İtaliya
Macəraçı Qoç və duyğusal Buğaların ortaq nöqtəsi olan Aprel ayı həyat enerjisini İtaliyada tapır. Sənət, mətbəx mədəniyyəti və ehtiraslı söhbətlərlə dolu olan bu ölkə, Aprel doğumluların parlaması üçün ən doğru səhnədir.

May: Yunanıstan
Gözəlliyə, fəlsəfəyə və dərin məna axtarışına önəm verən May doğumlular üçün antik müdrikliyin mərkəzi Yunanıstan qaçınılmaz bir marşrutdur. Egeyin maviliyi onlara həm zehni, həm də ruhsal dinclik bəxş edir.

İyun: Fransa
Hərəkətli Əkizlər və Xərçənglərin mürəkkəb quruluşu Fransanın rəngarəngliyi ilə mükəmməl uyğunlaşır. Parisin sənət dolu küçələri İyun doğumluların həm sosyallaşma, həm də aid olma arzusunu təmin edir.

İyul: Braziliya
İstiqanlı Xərçəng və Şirlərin ayı olan İyul enerjisini Braziliyanın sevincindən alır. Qəlbi ilə hərəkət edən və topluluq bağlarına önəm verən İyul doğumlular, hər vəziyyətdə bayram etməyə səbəb tapan bu mədəniyyətdə özlərini tapacaqlar.

Avqust: İspaniya
Görkəmli Şirlər və detallara önəm verən Qızların birləşməsi olan Avqust ayı əsalət və titizliyi təmsil edir. İspaniyanın möhtəşəm festivalları və hər işi bir sənət əsərinə çevirən ənənələri bu ayda doğulanların "ən yaxşısını etmək" ehtirasına xitab edir.

Sentyabr: İsveçrə
Balans, nizam və estetika axtarışındakı Sentyabr doğumlular (Qız və Tərəzi) İsveçrənin dəqiqliyi ilə rezonansa girir. Ədalətin və hüzurun yaşam tərzi olduğu bu coğrafiya ruhunuzdakı qarışıqlığı dindirib sizə aydınlıq təqdim edir.

Oktyabr: Meksika
Zərif Tərəzilər və sirli Əqrəblərin ayı olan Oktyabr dərinliyin Meksika ilə vəhdətidir. Ata-babaların müdrikliyinə hörmət və həyatla ölümün iç-içə keçdiyi o sehrli atmosfer Oktyabr doğumluların çoxşaxəli xarakterini əks etdirir.

Noyabr: Mərakeş
Həqiqətin arxasınca gedən Əqrəb və Oxatanlar üçün Mərakeş kəşf edilməyi gözləyən bir labirintdir. Komfort zonasından çıxmağı sevən və mistik təcrübələrə açıq olan Noyabr doğumlular buralarda öz daxili səyahətlərinə çıxa bilərlər.

Dekabr: Norveç
İntizamlı Oğlaq və nikbin Oxatanların ayı olan Dekabr Norveçin qış günəşində gizli olan ümidi təmsil edir. Norveçin "hygge" (rahatlıq) fəlsəfəsi və təbiətin böyüklüyü qarşısındakı təvazökar duruşu Dekabr doğumluların həyata duyduğu dərin hörmətlə üst-üstə düşür.

Lalə Qüdrətova
Milli.Az