Ölkə

Adnan Əhmədzadənin olduğu deyilən “Grand-Mart”ın milyonlarla manat borcu üzə çıxdı

9 Yanvar 2026 16:50

Baxış: 1 022

VTB-də minimal faiz dərəcəsi ilə nağd kredit 10.49%-dən

Hazırda həbsdə olan iş adamı Adnan Əhmədzadəyə aid olduğu deyilən "Grand-Mart" marketlər şəbəkəsinin dövlətə milyonlarla manat borcu üzə çıxıb.

Milli.Az-ın əldə etdiyi məlumata görə, borcun nə zamandan bəri yarandığı məlum deyil.

Hazırda marketlər şəbəkəsinin 3 789 039.12 manat vergi borcu mövcuddur.

Vergi Məcəlləsinin müddəlarına görə isə vergi borcunun gecikdirilməsi sanksiyalarla nəticələnə bilər.

Qeyd edək ki, "Grand-Mart" MMC 2008-ci ildə dövlət qeydiyyatına alınıb. Qanuni təmsilçisi Məmmədli Ramil Əşrəf oğludur. MMC-nin nizamnamə kapitalının məbləği isə 12 milyon manatdan çoxdur. "Grand-Mart" MMC-yə "Grandmart", "Megastore", "Bizim market", "Novas Home", "Bolmart" kimi böyük marketlər şəbəkələri daxildir.

Xatırladaq ki, bir sıra yerli KİV-də sözügedən mağazaların hazırda həbsdə olan Adnan Əhmədzadəyə aid olduğu iddia olunur.

Mehman Əsədov
Milli.Az