Ölkə

Əkin sahələrinin yandırılmasına görə cərimələr artırılır

5 Dekabr 2025 11:35

Baxış: 668

VTB-də minimal faiz dərəcəsi ilə nağd kredit 9.9%-dən

#YANĞIN #EKOLOGİYA

Əkin sahəsinin yandırılması ilə bağlı cərimələr və inzibati həbs qaydaları sərtləşdirilir.

Milli.Az xəbər verir ki, bu məsələ Milli Məclisin Hüquq siyasəti və dövlət quruculuğu və Mədəniyyət komitələrinin birgə iclasında müzakirəyə çıxarılan İnzibati Xətalar Məcəlləsinə dəyişiklik layihəsində öz əksini tapıb.

Layihəyə əsasən əkin sahəsini yandıran fiziki şəxsə 400 manatdan 600 manatadək cərimə və ya zəruri hallarda 1 aya qədər inzibati həbs tətbiq edilə bilər. Vəzifəli şəxslər üçün cərimə 1500 manatdan 2000 manatadək nəzərdə tutulur. Hüquqi şəxslər isə 5000 manatdan 6000 manatadək cərimə ödəyəcək.

Əgər həmin pozuntuya görə inzibati tənbeh almış şəxs 1 il ərzində eyni xətanı təkrar törədərsə cərimələr artırılır. Bu halda fiziki şəxslər üçün cərimə 600 manatdan 800 manatadək olacaq. Vəzifəli şəxslər üçün bu məbləğ 2000 manatdan 2500 manatadək müəyyən edilir. Hüquqi şəxslər üçün cərimə 6000 manatdan 7000 manatadək olacaq. Təkrar hal zamanı zəruri hesab edilərsə 1 aydan 2 aya qədər inzibati həbs də tətbiq edilə bilər.

Hazırda qüvvədə olan Məcəllədə bu sahə üzrə cərimələr eyni hədlərdədir, lakin təkrar pozuntuya görə əlavə sərtləşdirmə mövcud deyil.

Milli.Az