Nazirliyin kvadratı 435 manata satdığı mənzillər "yoxa çıxıb" - AÇIQLAMA
VTB-də minimal faiz dərəcəsi ilə nağd kredit 9.9%-dən
Xəbər verdiyimiz kimi, 20 sentyabr tarixində Əmək və Əhalinin Sosial Müdafiəsi Nazirliyi tərəfindən Bakının Ramana və Ümid qəsəbələrində, Abşeron və Samux rayonlarında yeni yaşayış binalarında 1080 mənzil satışa çıxarılmışdı. Yerləşmə ərazisindən asılı olaraq mənzillərin 1 kvadratmetr üçün qiyməti 435-850 AZN aralığında dəyişir.
Milli.Az-a müraciət edənən vətəndaşlar bildirirlər ki, nisbətən aşağı qiymətə satışa çıxarılan mənzillər birdən-birə "yoxa çıxıb".
Belə ki, hazırda saytda aktiv şəkildə yalnız Abşeron rayonunda 50 mənzilin qaldığı və digər mənzillərin bron olunduğu qeyd olunur.

1030 mənzil satıldı?
Qaydalara görə, mənzillərdən almaq istəyən şəxslərə qeyd edilən portala (ms.sosial.gov.az) daxil olaraq mənzillərlə tanış ola, almaq istədiyi mənzili seçərək, onu portaldakı "Bron et" düyməsini sıxmaqla bron edə bilər.
Mənzili ilk bron etmiş şəxs həmin mənzili almaq hüququ qazanır, ondan əlavə 2 şəxsin də həmin mənzili bron etmək imkanı var.

Vətəndaşlar bildirir ki, ilk vaxtdan həmin mənzilləri bron etmək olmurdu.
"Bakının Ramana qəsəbəsində əvvəldən mənzillər satışa çıxarılmamışdı, orda hər zaman mənzillər bron olunmuş idi"
Məsələ ilə bağlı Milli.Az-ın sorğusuna cavab olaraq Sosial Xidmətlər Agentliyindən bildirilib ki, Əmək və Əhalinin Sosial Müdafiəsi Nazirliyi tərəfindən həyata keçirilən mənzil satışı proqramı çərçivəsində Bakının Ramana və Ümid qəsəbələrində, eləcə də Abşeron və Samux rayonlarında yerləşən yeni yaşayış binalarında ümumilikdə 1080 mənzil satışa çıxarılıb.
"Hazırda qeyd olunan ərazilərdə mənzil satışı davam edir. Vətəndaşlar ms.sosial.gov.az portalına daxil olaraq mövcud mənzillərə baxa və bron edə bilərlər. Portaldakı "Bu mənzil artıq satılmışdır" statusu mənzilin artıq satıldığını bildirir və belə mənzillərin bron edilməsi mümkün deyil.
Qeyd edək ki, bir mənzil eyni vaxtda üç vətəndaş tərəfindən bron edilə bilər, bu halda həmin mənzil üzrə bron prosesi müvəqqəti dayandırılır və portalda "Yeni bron edilmişdir" qeyd edilir. Bu status yalnız mənzilin müvəqqəti olaraq bron olunduğunu göstərir, mənzilin satıldığı mənasını daşımır.
Bron edən şəxslərlə növbəlilik prinsipi əsasında əlaqə saxlanılır. Əgər bron edən şəxslərdən biri mənzildən imtina edərsə, həmin mənzil yenidən satış üçün açılır. Buna görə də satış üçün açılan mənzilləri vaxtında bron edə bilmələri üçün vətəndaşlara portaldakı mənzil siyahısını mütəmadi izləmələri tövsiyə olunur".
Mehman Əsədov
Milli.Az
DİGƏR XƏBƏRLƏR
XƏBƏR LENTİ
-
Gəlinin toy libası bəyə həyatının şokunu yaşatdı - (Video)
-
Həftə sonunun ən şanslı 3 bürcü
-
Sobada ətli kartof kolbasası resepti
-
Şəmkirdə vəzifəli şəxs öldü
-
Bakıda tuneldə su boruları partladı - Maşınların hərəkəti çətinləşdi
-
"Qəbələ" səfərdə "Şəfa"nı məğlub edib
-
Tahir Abdullayev UFC-də ikinci qələbəsini qazandı
-
Prezident İlham Əliyevin sosial media hesablarında Vyetnama rəsmi səfəri ilə bağlı videoçarx paylaşılıb - (Video)
-
Çağatay evlənir? - Sevgilisi danışdı
-
İlham Zəkiyev Qran-pridə bürünc medal qazanıb
-
Prezident İlham Əliyevin Vyetnama səfəri başa çatıb - (Video)
-
“Sən demə, sabah bazar günüdür” - TRIPP-in icrasının başlanma vaxtını açıqladı
-
“Qalatasaray”ın baş məşqçisi derbiyə buraxılmayacaq
-
Dünyaşöhrətli zərgər Bulqari vəfat edib
-
“Login” sözünün maraqlı tarixi
-
Sevinc Maniyeva vəfat etdi
-
Qazaxda kişi qazdan boğulub öldü
-
Filarmoniyanın Kamera və Orqan Musiqisi Zalında “Kamera Musiqisi Axşamı” adlı konsert keçirilib - (Foto)
-
Bakıda kişi evində ölü tapıldı
-
Noyabrın sonunda üç bürcün həyatı yaxşılaşacaq
-
Ağdamda itlər məktəbli qıza hücum edib
-
“Turan Tovuz” “Şamaxı”ya qalib gəldi
-
Gədəbəydə 6 yaşlı uşağı maşın vurdu
-
BDU-dan Məleykə Abbaszadə ilə bağlı yayılan xəbərə cavab





