Ölkə

Ev almaq üçün boşanırlar – ekspert süni nikah pozuntularını ifşa etdi

25 İyul 2025 15:26

Baxış: 1 987

VTB-də minimal faiz dərəcəsi ilə nağd kredit 9.9%-dən

#CƏMİYYƏT #BOŞANMA

Azərbaycanda son illərdə rəsmi boşanma statistikasında müşahidə olunan artım cəmiyyətin narahatlığına səbəb olsa da, əslində bu rəqəmlərin arxasında ailədaxili konfliktlərdən daha fərqli motivlər dayanır.

Milli.Az xəbər verir ki, əmlak eksperti Elnur Fərzəliyev boşanmaların müəyyən hissəsinin məhz iqtisadi və hüquqi məqsədlərlə - süni şəkildə həyata keçirildiyini bildirib: "İpoteka krediti ilə ev alan zaman əmək haqqından ailə üzvlərinin adambaşına yaşam xərci çıxıldıqda ümumi məbləğ az olduğuna görə kreditin ayrılmaması səbəbindən çox hallarda süni boşanma edirlər və bu zaman qarşı tərəf heç bir aliment tələbi etmədən uşaqları özündə saxlayır və ər rahat şəkildə ipoteka krediti ilə ev alır.

Daha sonra isə barışırlar. Evləri sökülən şəxslər tikinti şirkətlərindən əlavə ev almaq üçün süni boşanma edib evi ikiyə bölərək iki çıxarış əldə edirlər. Söküntü zamanı isə hər ikisi evlə təmin olunurlar.

Borclu olan şəxslər həmin borcun əmlaka yönəlməməsi üçün süni boşanma edərək ər evi arvadın adına keçirir və evin borc əvəzinə müsadirə edilməsinin qarşısını alır. Dövlətdən sosial müavinət almaq üçün saysız hesabsız boşananlar da var. Və buna bənzər çox sayda problemlərin həlli üçün əksər insanlar çıxış yolunu boşanmalarda görürlər. Təbii ki əksər hallarda bu tip boşanmalar problemlərin həlli üçün effektiv olur"./modern.az

Milli.Az