Ölkə

Azərbaycanda iş günləri 4-ə endirilir? - MÜHÜM YENİLİK

14 May 2025 09:25
Baxış: 5 103
VTB-də minimal faiz dərəcəsi ilə nağd kredit 9.9%-dən
#CƏMİYYƏT #İŞ GÜNÜ

Azərbaycanda bəzi aylarda ard-arda qeyri-iş günlərinin olması müxtəlif aspektlərdən dəyərləndirilir. Bayram və istirahət günləri bir tərəfdən insanların dincəlməsi üçün fürsət yaradır, digər tərəfdən isə işlərin dayanması ilə bağlı narahatlıqlar doğurur. Xüsusilə özəl sektorda bu məsələ zaman-zaman narazılıqlara səbəb olur.

Qeyri-iş günlərinin çoxluğu məhsuldarlığa və iqtisadi proseslərə necə təsir edir?

Milli.Az-ın məlumatına görə, globalinfo.az-a danışan iqtisadçı Altay İsmayılov deyib ki, Azərbaycan istirahət günlərinin sayına görə bəzi ölkələrdən öndədir:

"Buna obyektiv yanaşsaq, deyə bilərik ki, istirahət günlərinin çox olması iqtisadiyyata zərərlidir. Digər tərəfdən, insanların hazırkı psixoloji durumu onların effektiv çalışması ilə əlaqəlidir. Tətil günlərinin olması da buna təsir edir. Paralel olaraq, vətəndaşların fiziki rahatlığı bu yolla təmin olunur".

İqtisadçı bildirib ki, dünyada iş saatlarının azaldılması istiqamətində tədbirlər görülür:

"Əvvəlcə 6 günlük çalışma rejimi 5 günə endirildi. İndi böyük şirkətlər bunu 4 gün olaraq tənzimləyiblər. Hətta bu sistemi tətbiq edən məşhur şirkətlərdən biri, qərardan sonra məhsuldarlığın 30-40 faiz artdığını müəyyənləşdirmişdi. Təəssüf ki, hazırkı qanunvericiliyə görə, ölkəmizdə 4 günlük iş rejiminə keçid mümkün deyil. Yaxın zamanda bu, real görünmür və aktual deyil. Lakin düşünürəm ki, istirahət günlərinin bir neçə gün artıq olması iqtisadiyyata ciddi zərər verməz".  

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.