Ölkə

Bu şirkət bağlandı - 41 avtomobili hərraca çıxarılır

31 Yanvar 2025 10:44
Baxış: 3 821
VTB-də minimal faiz dərəcəsi ilə nağd kredit 9.9%-dən
#CƏMİYYƏT #AVTOMOBİL #HƏRRAC

İqtisadiyyat Nazirliyi yanında Əmlak Məsələləri Dövlət Xidməti (ƏMDX) ləğv prosesində olan Azərbaycan Dövlət Sığorta Kommersiya Şirkəti "Azərsığorta" ASC-nin balansında olan 41 avtonəqliyyat vasitəsini açıq hərraca çıxarır.

Milli.Az bu barədə Dövlət Xidmətinə istinadən xəbər verir.

Məlumata görə, hərrac fevralın 13-də, saat 10:00-da Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi, 20 ünvanında) keçiriləcək.

Hərraclarda iştirak etmək istəyən şəxslər lazımi sənədləri hərracın başlanmasına ən geci 3 bank günü qalana qədər Əmlak Xidmətləri Məkanına təqdim etməli, şirkətin hesabına beh ödəməlidir.

Xatırladaq ki, Prezident İlham Əliyev ötən ilin yanvarın 31-də Dövlət Sığorta Kommersiya Şirkətinin və "Azərsığorta"nın fəaliyyətinin təşkili haqqında" 16 iyul 2022-ci il tarixli fərmanının ləğv edilməsi barədə fərman imzalayıb. Fərman əsasında Azərbaycan Mərkəzi Bankının İdarə Heyətinin qərarı ilə fevralın 14-də səhmdar cəmiyyətinə sığorta fəaliyyətinə verilmiş 14 oktyabr 2009-cu il tarixli, 000270 nömrəli lisenziya ləğv olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.