Ölkə

Hərbi qulluqçumuz İngiltərədə təltif edildi - FOTOlar

19 Dekabr 2024 19:24

Baxış: 385

Azərbaycan Ordusunun hərbi qulluqçusu İngiltərədə təltif edilib.

Milli.Az xəbər verir ki, bu barədə Müdafiə Nazirliyi məlumat yayıb.

Bildirilib ki, dünyanın bir çox qabaqcıl hərbi akademiyalarında təhsil alan Azərbaycan Ordusunun hərbi qulluqçuları böyük nailiyyətlərə imza atmağa davam edirlər.

Beynəlxalq hərbi təcrübənin mənimsənilməsi, peşəkar kadr heyətinin bilik və bacarıqlarının daha təkmilləşdirilməsi məqsədilə hərbi qulluqçularımız inkişaf etmiş ölkələrin müasir təhsil müəssisələrində müxtəlif kurslara cəlb olunur.

Azərbaycan Ordusunun hərbi qulluqçusu baş leytenant Sənan Əsədov İngiltərənin Sandhurst Kral Hərbi Akademiyasında keçirilən "Kiçik zabitlərin liderlik və idarəetmə bacarıqlarının inkişaf etdirilməsi kursu"nu müvəffəqiyyətlə başa vurub.

Hərbi qulluqçumuz təhsildə qazandığı yüksək nailiyyətə görə təltif edilib.

Milli.Az