Ölkə

Naxçıvanda yeni konsepsiyalar hazırlanır

28 Noyabr 2024 20:51
Baxış: 1 005
VTB-də minimal faiz dərəcəsi ilə nağd kredit 9.9%-dən

Naxçıvan yerləşdiyi mövqe etibarilə həm də tranzit yüklərin daşınması üçün əlverişli bir coğrafiyaya sahibdir.

Bunu Trend-ə müsahibəsində Naxçıvan Muxtar Respublikasınının rəqəmsal inkişaf və nəqliyyat nazirinin səlahiyyətlərini müvəqqəti icra edən, nazir müavini Rahid Ələkbərov deyib.

O, bildirib ki, Naxçıvan Muxtar Respublikası təbii bir qovşaq olaraq elə bir coğrafiyada yerləşir ki, bu coğrafiya bizə tranzit daşımaları həyata keçirməyə imkan verir.

"Tranzit yüklərinin daşınması da bir neçə istiqamətdə həyata keçirilir. İriqabaritli nəqliyyat vasitələri ilə bağlı, təqribən, 9 faizdən artıq artım qeydə alınıb. Lakin Naxçıvanın infrastruktur olaraq genişlənməsinə böyük ehtiyac var. Həmçinin tranzit potensialının inkişaf etdirilməsi dövlət tərəfindən daim diqqətdə saxlanılır. Bütün bunlar bizə tutumların daşınmasında daha böyük imkanlar yaradacaq. Naxçıvanın tranzit potensialının böyük əhəmiyyəti vardır. Tranzit potensialının inkişaf etdirilməsi üçün konsepsiyalar hazırlanır, logistika mərkəzləri, həmçinin bu potensialın infrastruktur layihələri üçün də imkanlar yaradılır. Yəqin ki, Zəngəzur dəhlizi açılandan sonra bu proses daha da sürətlənəcək", - deyə R.Ələkbərov qeyd edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.