Ölkə

Gömrükdə işləmək istəyənlərin NƏZƏRİNƏ: İmtahanın vaxtı bilindi

21 Noyabr 2024 17:08

Baxış: 434

#IMTAHAN #GÖMRÜK

Dövlət Gömrük Komitəsinin strukturuna daxil olan gömrük orqanlarına xidmətə qəbul ilə bağlı növbəti müsabiqə elan edilib.

Milli.Az komitəyə istinadən xəbər verir ki, müsabiqənin test imtahanı mərhələsində iştirak etmək istəyən vətəndaşların qeydiyyatı 2024-cü il noyabr ayının 21-dən dekabrın 10-dək aparılacaq. Test imtahanı dekabr 21-də Dövlət İmtahan Mərkəzi tərəfindən keçiriləcək. Müsabiqədə iştirak etmək istəyən vətəndaşlar //exidmet.dim.gov.az/elimt/gomruk internet ünvanına daxil olmaqla qeydiyyatdan keçə bilərlər.

Əlavə olaraq bildiririk ki, Komitə tərəfindən gömrük orqanlarına xidmətə qəbul ilə bağlı elan edilmiş əvvəlki müsabiqənin test imtahanı mərhələsində istifadə olunan ədəbiyyat siyahısındakı mənbələrin sayı azaldılıb. Test imtahanında istifadə edilməsi nəzərdə tutulan ədəbiyyat siyahısı, məntiqi təfəkkürün yoxlanılması üzrə test imtahanı proqramı və dünyagörüşü səviyyəsinin yoxlanılması üzrə proqramla //customs.gov.az/uploads/pdfcontent/liblist.pdf internet ünvanından tanış olmaq olar.

Milli.Az