Maraqlı

Ən gənc milyarderdir - uğur SİRRİ

19 Yanvar 2026 01:01

Baxış: 1 720

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #BİZNES

"Mercor" şirkətinin 22 yaşlı təsisçisi Brendan Fudi dünyanın ən gənc milyarderlərinin siyahısına daxil olaraq, "Z" nəslinin çox işləməyə hazır olmadığı barədə mifi təkzib edib.

Milli.Az oxu.az-a istinadən xəbər verir ki, Fudi və onun məktəb yoldaşları "Mercor"u Braziliyanın San-Pauluda şəhərində keçirilən hakaton zamanı yaradıblar. Onlar süni intellekt vasitəsilə işə qəbul prosesini avtomatlaşdırmağa çalışıblar. İndi "Mercor" platforması işə müracitləri təhlil edir, namizədləri seçir və hətta ilkin müsahibələr keçirir.

Təsisçilər başlanğıcdan doqquz ay sonra ideyanı bir milyon dollar dövriyyəsi olan biznesə, sonra isə 10 milyard dollar dəyərində startapa çeviriblər.

Layihənin uğuru naminə Fudi Corctaun Universitetindəki təhsilini yarımçıq qoyaraq, özünü "Mercor"a həsr edib. Gənc amerikalı etiraf edib ki, məhz istirahət günlərinin olmaması onu milyarder statusuna gətirən vərdişlərdən biri olub.

"Mən istirahət günü götürə bilmirəm, məndə impulsiv olaraq işimə qayıtmaq arzusu yaranır. Həyatını həsr etməyə hazır olduğun işi tapmaq vacibdir", - deyə o etiraf edib.

Nəşr qeyd edir ki, bu gün "Mercor"un üç təsisçisi də ilk dəfə 23 yaşında milyarder olan Mark Zuckerberqdən daha tez buna nail ola biliblər.

Milli.Az