PUL
.jpg)
"Feyenoord"un baş məşqçisi Robin van Persi "Sparta Rotterdam" ilə qarşılaşmada komandası 3:1 hesabı ilə geridə olarkən oğlu Şakili Shaqueel meydana buraxıb. 19 yaşlı gənc futbolçu cəmi 2 dəqiqə ərzində iki qol vuraraq hesabı bərabərləşdirib. Lakin bu möhtəşəm geri dönüş xal qazanmaq üçün kifayət etməyib.
Milli.Az xəbər verir ki, Hollandiya Liqasının 19-cu turunda baş tutan Rotterdam derbisində azarkeşlər əsl qol şousunun şahidi olublar. "Sparta Rotterdam"ın 4:3 hesabı ilə qalib gəldiyi matçda hadisələr belə cərəyan edib:
"Sparta Rotterdam"ın qolları: Coşua Kitolano (40' və 90+3'), Van Bergen (55') və Şunsuke Mito (71').
"Feyenoord"un qolları: İn-Beom Hvanq (64') və Şakil van Persi (87' və 88').
Oyunun 63-cü dəqiqəsində Robin van Persi riskli bir addım ataraq 19 yaşlı oğlu Şakili meydana daxil edib.. "Feyenoord" 3:1 hesabı ilə uduzarkən gənc oyunçu 87 və 88-ci dəqiqələrdə ard-arda iki dəfə rəqib qapısına yol taparaq hesabı 3:3-ə gətirib.
Böyük bir geri dönüşə imza atan "Feyenoord" sevinci sona qədər qoruya bilməyib. Matçın əlavə vaxtında (90+3-cü dəqiqədə) buraxılan qol Robin van Persinin komandasının meydandan xalsız ayrılmasına səbəb olub.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.png)
.jpg)
.jpg)
.png)
