Ölkə

Bakıda çaşqınlığa səbəb olan xətlənmə - Cərimələnə bilərsiz! - VİDEO

10 Oktyabr 2024 18:47

Baxış: 489

#VİDEO #SÜRÜCÜ

Paytaxtın Əbdürrəhim bəy Haqverdiyev və Şəfaət Mehdiyev küçələrinin kəsişməsində aparılan xətlənmə sürücülərin çaşqınlığına səbəb olub.

Milli.Az qafqazinfo-ya istinadən xəbər verir ki, bu barədə yol hərəkətinin təhlükəsizliyi üzrə mütəxəssis Aqil Rəhimov sosial şəbəkə hesabında paylaşım edib.

O, sözügedən küçədə çəkilmiş torun ardınca avtobus zolağının gəldiyini göstərərək sürücülərin düzgün hərəkət etməsələr, 100 manat +2 bal cərimələnə biləcəyini diqqətə çatdırıb.

Aqil Rəhimov sürücülərin cərimədən yayınması üçün sarı tordan birbaşa sağ zolağa keçid etmələrini bildirib:

"Düz hərəkət edirsinizsə, ən sol zolağı, sağa dönəcəksinizsə avtobus zolağından sağda yerləşən zolaqlardan birinə keçid edə bilərsiniz. Əgər avtobus zolağından çıxaraq düzünə hərəkət etsəniz cərimələnə bilərsiniz".

Milli.Az
Xəbərlərimizi WhatsApp kanalımızdan da oxuyun