Ölkə

Vəkillər Kollegiyasının Aparatında yeni təyinat

11 İyul 2024 11:59
Baxış: 1 264
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Vəkillər Kollegiyasının (VK) Aparatında yeni təyinat olub.

Milli.Az-ın məlumatına görə, bu barədə qərar iyulun 10-da VK Rəyasət Heyətinin keçirilən iclasında qəbul olunub.

Qərara əsasən, Səttar Məmmədov VK Aparatının Baş katibinin müavini (Aparatı rəhbərinin müavini) vəzifəsinə təyin edilib.

Qeyd edək ki, 2023-cü ildən VK-nın üzvü olan Səttar Vüqar oğlu Məmmədov bu təyinatadək Kollegiya Aparatının baş-hüquqşünas məsləhətçisi vəzifəsində çalışıb.

S.Məmmədov 1998-ci ildə Bakı şəhərində anadan olub. O, 2019-cu ildə Milli Aviasiya Akademiyasının Hüquq fakültəsini bakalavr (fərqlənmə ilə) pilləsi üzrə, 2021-ci ildə isə Bakı Dövlət Universitetinin magistr pilləsindən (fərqlənmə ilə) məzun olub. 2021-ci ildən Milli Aviasiya Akademiyası hüquq fakültəsinin doktorantıdır.

Əmək fəaliyyətiə 2019-cu ilin noyabr ayında şirkətlərin birində hüquqşünas kimi başlayıb, müxtəlif dövrlərdə vəkil köməkçisi, Milli Məclisin VI çağırış deputatının köməkçisi kimi fəaliyyət göstərib. O, 2020-ci ildən Vəkillər Kollegiyasının Aparatında hüquqşünas-məsləhətçi, baş hüquqşünas-məsləhətçi vəzifələrini icra edib.

S.Məmmədov eyni zamanda 2021-ci ildən Milli Aviasiya Akademiyasının Hüquq fakültəsində saathesabı müəllim kimi fəaliyyət göstərir.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.