Ölkə

Azərbaycanda 4 nəfəri ildırım vurdu - 3-ü öldü - YENİLƏNİB

1 İyun 2024 06:42

Baxış: 19 067

VTB-də minimal faiz dərəcəsi ilə nağd kredit 9.9%-dən

#HADİSƏ #HAVA

Şəmkirdə ikinci bədbəxt hadisə qeydə alınıb.

Milli.Az APA-ya istinadən xəbər verir ki, hadisə rayonun Zəyəm qəsəbəsi ərazində yerləşən əkin sahəsində baş verib.

Sahədə işləyən Diləfrüz Qurbamovanı ildırım vurub.

Qadın hadisə yerində ölüb.

Qeyd edək ki, bundan öncə ildırım rayonun Yeni Həyat kənd sakini 61 yaşlı Z.Musayevi vuraraq öldürmüşdü.

-------

01:00

Şəmkirdə 61 yaşlı kişini ildırım vurub.

Hadisə rayonun Yeni Həyat kəndində baş verib.

Kənd sakini olan 1963-cü il təvəllüdlü Z.Musayevi evinin yaxınlığında ildırım vurub. 61 yaşlı kişi aldığı ağır xəsarətlərdən hadisə yerində dünyasını dəyişib.

Qeyd edək ki bundan əvvəl Gəncədə 24 yaşlı gənci ildırım vuraraq ağır xəsarət yetirib, Tovuzda isə 14 yaşlı yeniyetməni ildırım vuraraq öldürüb.

Bütün faktlarla bağlı araşdırmalar aparılır.

-------

22:41

Gəncə sakinini ildırım vurub.

Milli.Az APA-ya istinadən xəbər verir ki, hadisə şəhərin Həsən Əliyev küçəsində qeydə alınıb.

2000-ci il təvəllüdlü Orxan Quliyevi həmin küçədə ildırım vurub.

Yaralı dərhal xəstəxanaya yerləşdirilib, vəziyyətinin ağır olduğu bildirilir.

Qeyd edək ki, bu, bu gün ölkənin qərb bölgəsində ikinci ildırım vurma hadisəsidir.

Bundan öncə Tovuz rayonun Ağdam kəndində 14 yaşlı yeniyetməni ildırım vuraraq öldürüb.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ