Ölkə

“Müəyyən məbləğ qarşılığında yüksək qiymətlər yazılır”

27 May 2024 14:51

Baxış: 1 179

#DEPUTAT

"İnküliziv təhsillə bağlı prosesdə ləngimələr var. Düşünürəm ki, bu, bütün məktəb və kolleclərimizdə paralel səviyyədə getmir.

Milli.Az qafqazinfo-ya istinadən xəbər verir ki, bu fikirləri deputat Ceyhun Məmmədov Milli Məclisinin Elm və təhsil komitəsinin iclasında deyib.

Deputat qeyd edib ki, bu prosesə daha diqqətlə və həssas yanaşılmalıdır: "Burada maarifləndirmə işlərinə də ehtiyac var. Valideynlər məktəblərə uşaqları necə gətirmək lazım olduğunu bilməlidir".

"Məlum olduğu kimi bir müddət öncə subbakalavr haqqında qanun qəbul olundu. Son dövrlərdə bu sahədə xeyli su-istifadə halları var. Kolleclər artıq özləri üçün müəyyən sistem formalaşdırıblar. Mən birini bilirəm hansı kollecdir. Tələbə ilə danışılır müəyyən məbləğ qarşılığında yüksək qiymətlər yazılır və sonda tələbə universitetə rahat daxil ola bilir. Bu məsələ nəzarətdə saxlanılmalıdır", - deyə deputat vurğulayıb.

Milli.Az
Xəbərlərimizi WhatsApp kanalımızdan da oxuyun