Ölkə

Lokal startapların beynəlxalq bazarlara çıxışı üçün dəstək verilir - Agentlik sədri

15 May 2024 10:15

Baxış: 1 025

VTB-də minimal faiz dərəcəsi ilə nağd kredit 9.9%-dən

Lokal startapların beynəlxalq bazarlara çıxışı üçün İnnovasiya və Rəqəmsal İnkişaf Agentliyi dəstək verir.

Milli.Az Trend-ə istinadən bildirir ki, bunu Bakıda keçirilən Fintech Summit-də Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyinin sədri İnarə Vəliyevə deyib.

"Lokal startapların beynəlxalq bazarlara çıxışı çox vacibdir. Bunun üçün biz müxtəlif beynəlxalq forumlarda bu startapların təqdim edilməsi üçün şərait yaradırıq. Bəziləri uğurla istifadə edir", - deyə o bildirib.

Onun sözlərinə görə, bu imkanlardan uğurla istifadə onlar üçün yeni bazarların açılması deməkdir.

"Bizim priotetlərdən biri fiziki infrastrukturdur. Bakıda və regionlarda innovasiya mərkəzlərinin yaradılması və davamlı olması üzərində işləyirik. Bunun üçün özəl sektorla birgə işləyirik. Çünki dövlət dəstəyi qısa müddətdə olacaq, daha sonra özəl sektor buna biznes kimi yanaşaraq, davamlı olmasını təmin edəcək. İlk mərhələdə Gəncədə və Sumqayıtda belə mərkəzlərin yaradılması planlaşdırılır, daha sonra digər regionlara da keçid ediləcək", - deyə o bildirib.

Qeydə edək ki, 15-16 may 2024-cü il tarixində Bakıda "Bank və Maliyyə Ekosistemində Yeni Trendlər: İnnovativ Həllər, FinTex və Təhlükəsizlik" adlı FİNTEX SAMMİT 2024 keçirilir.

Milli.Az
Xəbərlərimizi WhatsApp kanalımızdan da oxuyun