Ölkə

Nikah yaşı ilə bağlı təklif: İstisna olmayacaq!

15 May 2024 08:05
Baxış: 1 267
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Nikah yaşı ilə bağlı artıq Komitə tərəfindən təklif irəli sürülüb. Biz bu təklifi elə-belə verməmişik.

Milli.Az axar.az-a istinadən xəbər verir ki, bunu Beynəlxalq Ailə Günü ərəfəsində keçirilən ənənəvi Ailə Festivalında Ailə, Qadın və Uşaq Problemləri üzrə Dövlət Komitəsinin sədri Bahar Muradova deyib.

O bildirib ki, bu təklif müxtəlif araşdırma, tədqiqat və sorğuların nəticəsində formalaşıb:

"Təklif vermişdik ki, heç bir istisna olmasın və nikah yaşı vahid olaraq 18 yaş qəbul edilsin. Hər hansı istisna olmadan bu yaş həddi həm oğlan, həm də qızlara şamil edilsin. Çünki hər hansı istisna buna bənzər hadisələrin daha geniş yayılmasına şərait yaradır. Buna görə də biz nikah yaşının bir yaş aşağı - 17 yaş olmasının aradan qaldırılmasını təklif etmişik. Düşünürəm ki, bu, müəyyən zaman çərçivəsində artıq qanun layihəsində də öz əksini tapacaq, Ailə Məcəlləsinə bununla bağlı dəyişiklik ediləcək".

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.