Ölkə

Ağır qəzada ölən fotoqrafın görüntüsü

4 Mart 2024 10:06

Baxış: 1 596

#QƏZA

Ötən gecə Göyçay rayonunda ağır yol qəzası baş verib.

Azərbaycanda dəhşətli qəzada ölənlərin adları bilindi - YENİLƏNİB - FOTO

Milli.Az qafqazinfo-ya istinadən xəbər verir ki, rayonun Müskürlü kəndi ərazisində "Kia" markalı avtomobil idarəetmədən çıxaraq su kanalına aşıb. Nəticədə avtomobilin sürücüsü, 1990-cı il təvəllüdlü Xəqani Bağırov və iki sərnişini - 1991-ci il təvəllüdlü Asif Gülməmmədovla Elçin Əsgərov hadisə yerində ölüblər. Daha bir sərnişin isə ağır xəsarət alıb.

Bildirilir ki, qəzaya düşən "Kia Sportage" markalı avtomobil "Rent a car"a məxsus olub və icarə əsasında Xəqani Bağırov tərəfindən idarə edilirmiş.

X.Bağırov Göyçayda tanınmış fotoqraf olub. Hadisənin onun dostları ilə birgə toydan çıxıb evə gedərkən baş verdiyi bildirilir.

DİN-in Mətbuat xidmətinin Şəki regional qrupundan "Qafqazinfo"nun sorğusuna cavab olaraq bildirilib ki, faktla bağlı cinayət işi başlanıb.

Milli.Az
Xəbərlərimizi WhatsApp kanalımızdan da oxuyun