Ölkə

Azərbaycanda 11-ci sinif şagirdi süni intellekt YARATDI — VİDEO

4 Mart 2024 09:40
Baxış: 1 136
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycanda məktəbli gənc müstəqil neyroşəbəkə yaradıb. 

Milli.Az Xəzər TV-yə istinadən xəbər verir ki, söhbət 11-ci sinif şagirdi Fərid Ağayevdən gedir. 

Fərid rus bölməsində təhsil alır və gənc yaşlarından "OpenBetaX" şirkətinin qurucusudur. O, sözügedən şəbəkəni qurmaq üçün iki il vaxt sərf edib. 

"Gəncəvi AI" adlı süni intellekt proqramı "Chat GPT", "Copilot Microsoft", "Gemini Google" kimi proqramlardan heç də fərqlənmir. 

Fərid Ağayev deyir ki, Nizami Gəncəvinin Azərbaycan ədəbiyyatına verdiyi töhfələr səbəbindən yaratdığı neyroşəbəkənin adını "Gəncəvi" qoyub və bu şəbəkə ideyalar yaratmaq, tədrisə və tədqiqata kömək etmək, söhbət əsnasında istifadəçi ilə ünsiyyət qurmaqla həyatın bir çox sahələrində faydalıdır. 
Fərid deyir ki, yaratdığı neyroşəbəkə hazırda 3 dildə - Azərbaycan, ingilis və rus dillərində fəaliyyət göstərir. Bu proqram Azərbayan dilində məlumatları son zamanlar populyar olan "Chat GPT"dən daha yaxşı çatdırır. Süni intellektə Azərbaycan dilində istənilən sualı verib saniyələr keçmədən dolğun cavab almaq mümkündür. 

Proqramın yaradıcısı bu sahayə investisiya qoyulsa, Azərbaycanın da süni intellekt sahəsində dünyada liderlik edən ölkələr arasında ola biləcəyi fikrindədir. 

Ətraflı süjetdə: 

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.