Ölkə

Kürdəmirə içməli suyun verilişi bərpa olundu

10 Fevral 2024 23:20

Baxış: 931

VTB-də minimal faiz dərəcəsi ilə nağd kredit 9.9%-dən

Kürdəmir rayonuna içməli suyun verilişi bərpa olunub.

Milli.Az xəbər verir ki, bu barədə Report-a "Azərsu" Açıq Səhmdar Cəmiyyətinin (ASC) Kürdəmir Su-kanal sahəsinin rəisi Arzu Şahbazov bildirib.

"Azərsu" ASC-nin ərazi üzrə əməkdaşları baş verən hadisənin aradan qaldırılması istiqamətində zəruri işlər həyata keçiriblər və suyun rayona verilişi bərpa olunub.

Xatırladaq ki, hadisə fevralın 9-da səhər saatlarında Ağsu-Kürdəmir-İmişli yolunun 33-cü km-də rayonun Atakişili kəndi razisindən keçən hissəsində qeydə alınıb. Magistral su xəttinin partlaması nəticəsində rayon mərkəzinə və bir neçə kəndə içməli suyun verlişi dayandırılıb. Su xətti rayonun 8 222 abonentinə xidmət edir.

Ümumi uzunluğu 29 km olan Külüllü-Kürdəmir magistral su boru xətti 2011-ci ilə dövlət vəsaiti hesabına inşa olunub. Xətt Kürdəmir rayon mərkəzini və daha 12 kəndin su təminatının yaxşılaşdırılması məqsədilə həyata keçrilib.

Milli.Az
Xəbərlərimizi WhatsApp kanalımızdan da oxuyun