Ölkə

Milyarderlər siyahısında olan 5 azərbaycanlı biznesmen - Siyahı - FOTO

12 Yanvar 2024 14:16
Baxış: 3 310
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Forbes hər il dünyanın ən varlı insanlarının siyahısını təqdim edir.

Milli.Az Sfera.az-a istinadən xəbər verir ki, budəfəki siyahıda 5 azərbaycanlı da var.

Siyahıya İqtisad elmləri doktoru, Rusiyanın "Lukoyl" neft şirkətinin prezidenti Vahid Ələkbərov 24,9 milyard sərvətlə başçılıq edir.

İqtisad elmləri doktoru, Ümumrusiya Azərbaycan Konqresinin vitse-prezidenti Araz Ağalarov 11,9 milyard ilə ikinci yerdə qərarlaşıb. O, "Krokus intenəşnl" Şirkətlər Qrupunun prezidenti, "Krokus-Bank" idarə heyətinin sədri, Rusiya İstehsalçılar və İdxalçılar İttifaqının prezidenti, Moskva Beynəlxalq Biznes Assosiasiyasının və "Opora Rossii" ictimai təşkilatının vitse-prezidentidir.

Üçüncü yeri 6,5 milyard sərvət ilə İskəndər Mahmudov tutur. Rusiyanın mis istehsalının demək olar ki, yarısı, sink istehsalının 2/3-si, metal kirayəsi biznesinin isə 1/4 hissəsi onun əlindədir.

Dördüncü yerdə isə 4,3 milyard ilə Qod Nisanovdur. O, 1990-ci ildə "AST" kampaniyasında işləyib, 2001-ci ildə Lyublinoda şəriki Zarah İliyevlə birgə "Moskva" ticarət mərkəzini açıb, 2005-ci ildə isə "Biskvit" kompaniyasını və "Ukrayna" otelini alıb. 2006-cl ildə "Avropa" otelini açıb. 2000-2005-ci illərdə "Doymond Katters" MMC-də çalışıb. 2005-ci ildən "Kiyevskaya Ploşad" holdinqin idarə heyətinin sədridir.

Neft və neft məhsullarının satışı üzrə ixtisaslaşan "Tansley Trading" şirkətinin sahibkarı, 1,4 milyard sərvətə sahib Fərhad Əhmədov isə milyarderlər siyahısında beşinci yerdədir.


Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.