Ölkə

Dövlət Komitəsi yazıçı Çingiz Hüseynovun vəfatı ilə bağlı nekroloq yaydı

9 Yanvar 2024 22:30

Baxış: 714

VTB-də minimal faiz dərəcəsi ilə nağd kredit 10.49%-dən

#İSRAİL #DİASPORLA İŞ ÜZRƏ DÖVLƏT KOMİTƏSİ

Diasporla İş üzrə Dövlət Komitəsi İsraildə yaşayan yazıçı Çingiz Hüseynovun vəfatı ilə bağlı nekroloq yayıb.

Milli.Az report.az-a istinadən xəbər verir ki, nekroloqda deyilir:

"Görkəmli Azərbaycan yazıçısı, Azərbaycan diasporunun tanınmış nümayəndələrindən biri Çingiz Hüseynov ömrünün 94-cü ilində dünyasını dəyişib.

Çingiz Hüseynov 1929-cu il aprelin 20-də Bakıda anadan olub. Nasir, tənqidçi, ədəbiyyatşünas, tənqidçi və tərcüməçi kimi fəaliyyət göstərən görkəmli yazıçı Lomonosov adına Moskva Dövlət Universitetininin filologiya fakültəsini bitirib. 1959-cu ildən Azərbaycan Yazıçılar Birliyinin üzvü, filologiya elmləri doktoru (1979), professor (1980), əməkdar incəsənət xadimi Çingiz Hüseynov əsərlərini iki dildə - Azərbaycan və rus dillərində yazıb.

Qeyd edək ki, XX əsr Azərbaycan bədii fikrinin aparıcı simalarından olan Çingiz Hüseynov uzun illərdir İsraildə yaşayırdı.

Diasporla İş üzrə Dövlət Komitəsi bu ağır itkidən kədərləndiyini bildirir, mərhumun ailə üzvlərinə və oxucularına dərin hüznlə başsağlığı verir".

Milli.Az
Xəbərlərimizi WhatsApp kanalımızdan da oxuyun