Ölkə

Bu şəxslərə ödənişlərin verilməsinə başlanılıb

20 Noyabr 2023 12:16
Baxış: 2 804
VTB-də minimal faiz dərəcəsi ilə nağd kredit 9.9%-dən
#HƏRBİ QULLUQÇU #ŞƏHİD

19-20 sentyabrda Qarabağda keçirilən antiterror tədbirləri zamanı şəhid olan hərbi qulluqçuların və DİN əməkdaşlarının ailə üzvlərinə ödənişlərin verilməsinə başlanılıb.

Milli.Az Trend-ə istinadən xəbər verir ki, bunu Dövlət Sosial Müdafiə Fondunun sədri Himalay Məmişov "Sosial tərəfdaş" adlanan yeni layihənin təqdimatı zaman deyib.

O qeyd edib ki, həmin şəxslərə ödənişlərin edilməsi üçün sənədlər fondun əməkdaşları tərəfindən toplanılıb və operativ şəkildə ödənişlər təyin edilir.

"Həm şəhid olan hərbi qulluqçuların, həm də DİN əməkdaşlarının ailə üzvlərinə təqaüd ödənişləri tam şəkildə həyata keçirilir. Dövlət icbari şəxsi sığorta ödənişləri isə şəhid ailəsi üzvlərinə demək olar ki, 70-80 faizinə təyin olunub.

Çünki bir sıra ailələrdə müvafiq sənədlərin hazırlanması və vərəsəlik işləri müəyyən qədər vaxt alır. Bu sənədlər də fonda təqdim olunduqca digər şəxslərə də icbari şəxsi sığorta ödənişləri təyin olunacaq. pensiya təyinatları üçün isə məlumat vərəqələri aidiyyatı dövlət orqanları tərəfindən göndərilməlidir. Bir qism hərbi qulluqçular barədə məlumat vərəqələri artıq göndərilib, digər qismi ilə bağlı isə hazırlanmaqdadır. Onlar da təqdim olunduqdan sonra ödənişlərin təyinatı həyata keçiriləcək", - deyə o əlavə edib.

Milli.Az 
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.