Ölkə

Natiq Qasımovun rənglənmiş yeni fotoları: “Hekayədən daha təsirlidir” - FOTO

3 Oktyabr 2023 18:39
Baxış: 1 746

Birinci Qarabağ müharibəsində şəhid olmuş Natiq Qasımov barədə demək olar ki, hər gün danışılır. Qarabağdakı qondarma rejimin ləğvindən sonra onunla bağlı müzakirələr aktuallaşıb.

Milli.Az ölkə.az-a istinadən bildirir ki, dizayner Rəsul Həsənov şəhidimizin əsir götürüldüyü zaman çəkildiyi fotolarını montajla rəngləyib.

Müəllifin fikrincə, Natiq Qasımovun hekayəsini əks etdirən görüntülər danışılanlardan daha təsirlidir:

"Birinci Qarabağ müharibəsi zamanı orada olan italyan fotoqraf və jurnalist Enriko Sarsini bütün bu hekayəni çəkib. Bu, əsl qəhrəmanın hekayəsidir. Fotoları tapan və üzə çıxaran kəslərə böyük təşəkkür düşür. Onun haqqında çəkilən "Oğul" sənədli filmi sayəsində bunlar üzə çıxdı".

O bildirib ki, əlində bayraq olan fotonu 44 günlük müharibə zamanı (8 noyabr, 2020) rəngləyib və düşünüb ki, bu, yeganə fotodur: "Amma silsilə üzə çıxandan sonra hamısına rəng vermək qərarına gəldim. Fotolar kino kimidir. Əminəm hələ üzə çıxmayan nə qədər fotolar var".

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics