Ölkə

Qənirə Paşayeva üçün xüsusi həkim gətirildi - YENİLƏNİB

25 Sentyabr 2023 12:08

Baxış: 8 386

VTB-də minimal faiz dərəcəsi ilə nağd kredit 10.49%-dən

Milli.Az qafqazinfo-ya istinadən xəbər verir ki, Mərkəzi Klinikanın Mətbuat xidməti millət vəkilinin son vəziyyəti ilə bağlı açıqlama yayıb.

"Birinci vitse-prezident, Heydər Əliyev Fondunun prezidenti Mehriban Əliyevanın tapşırığına əsasən, millət vəkili Qənirə Paşayevanın müalicəsi Fond tərəfindən nəzarətə götürülüb. Fondun təşkilatçılığı ilə Türkiyədən yüksəkixtisalı reanimatoloq həkim dəvət olunub. Həmin mütəxəssis həkim tərəfindən xəstənin vəziyyəti dəyərləndirilib və lazımi məsləhətlər verilib.

Hazırda xəstənin müalicəsi Reanimasiya və intensiv terapiya şöbəsində süni tənəffüs aparatında davam etdirilir və lazımi kompleks reanimasiyon tədbirlər həyata keçirilir. Müalicə zamanı tibbin bütün imkanlarından istifadə olunur. Xəstənin müalicəsi üçün Türkiyənin ən aparıcı xəstəxanalarından olan həmkarlarımızla daimi əlaqə saxlanılır və konsultasiyalar aparılır", - məlumatda vurğulanıb.

---------

10:31

Mərkəzi Klinikanın baş həkimi Kamran Musayev millət vəkili Qənirə Paşayevanın vəziyyəti ilə bağlı açıqlama verib.

Milli.Az APA-ya istinadən bildirir ki, Qənirə Paşayevanın vəziyyəti ağırdır:

"Qənirə xanımın reanimasiya şöbəsində süni tənəffüs aparatına bağlı müalicəsi davam edir".

Milli.Az