Ölkə

Rayonlara turist axını var - Qiymətlər necədir? - VİDEO

21 Mart 2023 10:20
Baxış: 1 127
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Novruz bayramında bölgələrə turist axını müşahidə edilir. Hotellərdə yerlərin təxminən 80-90 faizi satılıb. Turistlər hotellərlə yanaşı fərdi evlərdə qalmağı da seçirlər. Bəs qiymətlər necədir?

Milli.Az Xəzər TV-yə istinadən bildirir ki, 9 günlük istirahəti fürsət bilənlər rayonlara üz tutublar.

Novruz bayramını Lənkəranda qeyd etmək üçün gələn turistlər otellərdəki  yerləri 10 gün əvvəl tutublar.

Bayram ərəfəsində  Lənkəranda fəaliyyət göstərən  istirahət mərkəzlərində bir nəfər üçün gündəlik qiymət 70 manatdan 100 manata qədər dəyişir.

Bayramda  Lənkərana gələn turistlərin müəyyən bir qismi  fərdi evlərdə də qalmağa üstünlük verdiyindən, bu evlərinin qiymətlərində bahalaşma müşahidə edilir. Fərdi evlərin gündəlik kirayə qiyməti 25-30 manatdan başlayır.

Qəbələ və Şəki rayonlarına da turist axını olub.  Burada isttirahət mərkəzlərində günlük qiymətlər 90-160 manat arasında dəyişir.

Bayramı ayrıca sakit məkanda keçirmək istəyənlər isə fərdi evlərdə qalmağa üstünlük veriblər. Şəkidə fərdi evlərdə isə gündəlik 10 manata qalmaq olar.  

Ekspertlər hesab edirlər ki, bayramın sonrakı günlərində qiymətlərdə enmə müşahidə ediləcək.

Mövzu ilə bağlı daha ətraflı videomaterialı təqdim edirik:

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.