Ölkə

Yunus Oğuzun "Cığır"ı Azərbaycanı gəzməyə davam edir

9 Sentyabr 2022 19:23
Baxış: 471

Sentyabrın 9-u B.Səfəroğlu adına Quba rayon Mədəniyyət Mərkəzində tarixi romanlar yazarı, publisist Yunus Oğuzun şəhid ailələri və qazilərlə görüşü keçirilib. Şuşa şəhərinin inşa edilməsinin 270 illiyinə və 44 günlük Vətən müharibəsinə ithaf olunmuş, 44 günlük Vətən müharibəsinin keçdiyi yol, Vətən müharibəsindən sonrakı nailiyyətlər və mədəniyyət paytaxtımız Şuşa şəhərinin tarixindən bəhs edilən tarixi romanın - "Cığır"ın da müzakirə olunduğu tədbirdə yazıçı, jurnalist Varis Yolçiyev, şair Cəlaləddin Budatoglu, Qubada fəaliyyət göstərən "Gülüstan" elmi-ədəbi məclisinin sədri, yazıçı, publisist Şıxamməd Şeyidməmmədov, Qubalı şairə Sərvinaz Sərvər və Vətən müharibəsi qəhrəmanı, 1985-ci il təvəllüdlü şəhid Mehrab Niftəliyevin atası Zöhrab Niftəliyev, 1993-cü il təvəllüdlü şəhid Şahin Allahverdiyevin atası Hüseynbala Allahverdiyev, Vətən müharibəsi qəhrəmanı şəhidin anası və qazi Ağasıyev Tariyel qonaq qismində iştirak ediblər.

Tədbirin aparıcısı şair, publisist, Azərbaycan Yazıçılar Birliyi Quba bölməsinin sədri Ramiz Qusarçaylı Yunus Oğuzun həyat və yaradıcılığı haqqında tədbir iştirakçılarına, şəhid ailələri və qazilərə məlumat verdikdən sonra qonaqlar "Cığır" romanı haqqında fikirlərini səsləndiriblər.

Tədbirin sonunda şəhid və qazi ailələrinə "Cığır" romanı hədiyyə edilib və xatirə şəkli çəkilib. 

Qeyd edək ki, tədbirdə bir neçə KİV nümayəndələri iştirak edib və sonda Yunus Oğuz tədbirlə bağlı təəssüratlarını bölüşüb.

Milli.Az

Məqaləyə dair fotomateriallar:

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics