Ölkə

Metroya çəkiclə girərək cinsi azlıqları hədələyən şəxsi hansı cəza gözləyir?

6 İyul 2022 11:07

12 Şərh Baxış: 3 764

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Xəbər verdiyimiz kimi, ötən gün 39 yaşlı Roman Məmmədov adlı şəxs "TikTok" sosial şəbəkəsi üzərindən parçaya bükülmüş halda baltaya oxşar əşyanı nümayiş etdirərək cinsi azlıqları hədələyib.

O qeyd edib ki, əgər qarşısına belə bir şəxs çıxsa, baltalayacaq.

Daxili İşlər Nazirliyinin keçirdiyi əməliyyat nəticəsində R.Məmmədov müəyyən edilib və saxlanılıb.

Bəs xuliqanlıq əməli törədən şəxsi hansı cəza gözləyir?

Milli.Az bildirir ki, vəkil Tural Hüseynovun Oxu.az-a dediyinə görə, ictimai qaydanı kobud surətdə pozan, cəmiyyətə açıqca hörmətsizlik ifadə edən, şəxs (şəxslər) üzərində zor tətbiq olunması ilə və ya belə zorun tətbiq edilməsi hadisəsi ilə bağlı cəzalar nəzərdə tutulur:

"Bunu edən şəxs (şəxslər) min manatdan üç min manatadək miqdarda cərimə və ya bir ilədək müddətə islah işləri, yaxud bir ilədək müddətə azadlığın məhdudlaşdırılması və ya bir ilədək müddətə azadlıqdan məhrum etmə ilə cəzalandırılır".

Milli.Az