Ölkə

Narkotik çəkib avtomobil sürən şəxs saxlanılıb

4 Mart 2022 13:52

0 Şərh Baxış: 1 070

VTB-də minimal faiz dərəcəsi ilə nağd kredit 10.49%-dən

Kürdəmir Rayon Polis Şöbəsinin Dövlət Yol Polisi Bölməsinin əməkdaşları tərəfindən narkotik vasitənin təsiri altında avtomobil idarə edən şəxs saxlanılıb.

Daxili İşlər Nazirliyinin Mətbuat Xidmətinin Şirvan regional qrupundan Milli.Az-a verilən məlumata görə, rayon ərazisində hərəkətdə olan "VAZ-2106" markalı avtomobilin sürücüsünə nəqliyyat vasitəsinə konstruksiya dəyişikliyi etdiyi "saxla" işarəsi verilib.

Bu zaman sürücü R.Qədirovun hərəkətləri şübhə doğurduğundan o polis şöbəsinə gətirilib və müvafiq tibbi müayinədən keçirilməsi təmin edilib. Müayinənin nəticəsinə əsasən həmin şəxsin narkotik vasitədən istifadə etdiyi məlum olub.

Polis əməkdaşları tərəfindən həmin sürücü barəsində İnzibati Xətalar Məcəlləsinin 333.1 və 342.2.2-ci maddələri ilə protokol tərtib olunub və baxılması üçün aidiyyəti üzrə rayon məhkəməsinə göndərilib.

Kürdəmir rayon məhkəməsinin qərarı ilə R.Qədirov 6 ay müddətinə sürücülük hüququndan məhrum edilib.

Milli.Az