Ölkə

Gəncədə küçə lampasını dəyişən fəhləni cərəyan vurub öldürüb

12 Fevral 2022 17:22

0 Şərh Baxış: 911

VTB-də minimal faiz dərəcəsi ilə nağd kredit 10.49%-dən

Fevralın 11-i saat 17 radələrində Gəncə şəhər sakini, "Azavqrup" işıqlandırma şirkətində fəhlə işləyən 1992-ci il təvəllüdlü Röyal Əliyevin ölməsi barədə şəhər prokurorluğuna məlumat daxil olub.

Gəncə şəhər prokurorluğundan Milli.Az-a verilən məlumata görə, aparılmış araşdırmalarla müəyyən edilib ki, Röyal Əliyev şəhərin işıqlandırılması üçün nəzərdə tutulmuş küçə işığının lampasını dəyişərkən elektrik cərəyanı vurması nəticəsində ölüb.

Faktla bağlı Gəncə şəhər prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb.

Hazırda iş üzrə istintaq davam edir.

Milli.Az