Avto

"Volvo" 2 milyondan çox avtomobili geri çağırıb

2 İyul 2020 19:57
Baxış: 942

"Volvo" şirkəti bir neçə ölkədən 2 milyondan çox avtomobili geri çağırıb.

Milli.Az Trend-ə istinadən bildirir ki, bu, şirkətin 93 illik tarixi ərzində ən yüksək rəqəmdir.

Bu qərar ön oturacaqların təhlükəsizlik kəmərlərinin bərkitmə trosunda aşkar olunan problemlə əlaqədar qəbul edilib.

Geri çağırılma 2006-cı ildən 2019-cu ilədək istehsal olunmuş S60, S60L, S60CC, V60, V60CC, V70, XC60, XC70, S80 və S80L modellərinə şamil olunub.

Ən çox avtomobil şirkətin yerləşdiyi İsveçdə geri çağırılıb. Burada 400 mindən çox avtomobildə həmin qüsur aşkar edilib. ABŞ-da 300 min, Çində 245 min, Almaniyada 178 min, Böyük Britaniyada isə 169 min avtomobil geri çağırılıb.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.