Avto

Lamborghini üçün 288.888 dollarlıq tüninq - FOTO

26 Sentyabr 2014 21:14

0 Şərh Baxış: 2 044

#AVTO #AUTOMOBİLİ LAMBORGHİNİ SPA

DMC alman tüninq şirkəti Lamborghini Aventador superkarı üçün Edizione GT tüninq paketi hazırladığını elan edib. Dəbdəbəli İtaliya avtomobilinin minimum qiyməti 397 500 dollar olduğu halda (bu qiymətə həmin avtomobili ancaq ABŞ-da almaq mümkündür) onun tam satışsonrası əlavələrlə işlənməsi komplekti 288 888 dollar qiymətləndirilib. Tüninq komplektinə yeni kuzov asması, mühərrik üçün ikiqat turbo sistemi, bəzi əlavə staylinq detalları və texniki tüninq daxildir.

Milli.Az 4charx.com-a istinadən bildirir ki, quraşdırma qiyməti nəzərə alınmadan 89 900 dollara təklif edilən aerodinamik kuzov asması qeyri-adi ölçülü splitterlə birgə yenidən işlənmiş qabaq bamperdən, enli yan ətəklərdən və şəkli dəyişdirilmiş arxa bamperin iri diffuzorundan ibarətdir.

Əlavə güc əldə edərək öz seriya modelini hiperkara çevirmək istəyənlər əlavə ödənişlə öz standart avtomobillərinin gücünü 700 at gücündən 988 at gücünədək artıra bilərlər.

Milli.Az

Böyütmək üçün şəkillərə klikləyin.