Avto

"Hyundai" insanabənzər robotunu təqdim etdi - FOTO

7 Yanvar 2026 12:44

Baxış: 1 594

VTB-də minimal faiz dərəcəsi ilə nağd kredit 9.9%-dən

#AVTOMOBİL #HYUNDAİ

"Hyundai Motor Group" 2028-ci ildən etibarən avtomobil zavodlarında insanabənzər robotları istifadəyə verməyi planlaşdırır.

Milli.Az xəbər verir ki, şirkət bu addımı iri korporasiyaların istehsalatda yeni texnologiyalardan istifadə uğrunda rəqabəti fonunda atır.

Cənubi Koreya avtomobil nəhəngi qərarını Las-Veqasda keçirilən İstehlak Elektronikası Sərgisində (CES) açıqlayıb. Tədbirdə "Hyundai"yə məxsus "Boston Dynamics" şirkəti tərəfindən hazırlanan Atlas adlı humanoid robot nümayiş etdirilib.

Məlumata görə, "Hyundai Atlas" robotlarını qlobal istehsal şəbəkəsinə mərhələli şəkildə inteqrasiya etməyi planlaşdırır. Bu zavodlar arasında ABŞ-ın Corciya ştatında yerləşən müəssisə də var. Şirkət bildirib ki, robotlar zamanla daha çox funksiyanı öz üzərinə götürəcək.

Qeyd edək ki, humanoid robotlardan istifadə etməyi planlaşdıran şirkətlər sırasında Amazon, Tesla və Çinin BYD avtomobil istehsalçısı da yer alır. Hyundai isə robot-iti Spot ilə tanınan "Boston Dynamics" şirkətinin əsas səhmdarıdır.

Ümumi sənaye istifadəsi üçün nəzərdə tutulmuş Atlas robotları insanlarla birgə işləmək və avadanlıqları avtonom şəkildə idarə etmək üçün hazırlanıb. Hyundai-nin açıqlamasında bildirilib ki, bu texnologiya işçilərin üzərindəki fiziki yükü azaltmağa, təhlükəli tapşırıqları yerinə yetirməyə və istehsalda avtomatlaşdırmanı genişləndirməyə kömək edəcək.

Milli.Az