Avto

Avtomobil satışında yeni fırıldaq üsulu

3 İyun 2025 10:19
Baxış: 12 788
VTB-də minimal faiz dərəcəsi ilə nağd kredit 9.9%-dən
#İQTİSADİYYAT #AVTO #AVTOMOBİL

İkinci əl avtomobil bazarında fırıldaqçılığın yeni üsulu yayılıb: sosial şəbəkələrdə və elan saytlarında ucuz qiymətə təqdim olunan avtomobillər reallıqda mövcud deyil. Məqsəd isə sadədir - alıcını salonlara cəlb edib, daha bahalı avtomobillərə yönləndirmək.

"Əlimyandı", "cekpot" və başqa bu kimi formalarda təqdim olunan bəzi maşınlar ucuz qiymətə satışa çıxarılsa da, ünvanına getdikdə həmin avtomobilin artıq satıldığı bildirilir. Ancaq eyni avtomobil başqa alqı-satqı platformasında daha baha qiymətə hələ də qalır.

Araşdırmalar göstərir ki, bəzi şəxslər bazarda süni şəkildə qiymət manipulyasiyası ilə məşğuldur. Onlar real bazar dəyərindən qat-qat ucuz avtomobil elanları yerləşdirərək alıcıları cəlb edir, sonra isə ya həmin avtomobilin satıldığını deyirlər, ya da başqa, daha bahalı modelləri təqdim edirlər. Digər tərəfdən, bu taktika bəzi hallarda avtomobil sahiblərini də ucuz qiymətə satışa məcbur etmək məqsədi daşıyır.

Bu üsul təkcə Azərbaycanda deyil, Türkiyədə də yayılmışdı və həmin ölkədə bu tip saxta elanlar yerləşdirən şəxslər hüquq-mühafizə orqanlarının müdaxiləsi ilə saxlanılıb.

Avtomobil mütəxəssisləri alıcıları ehtiyatlı olmağa çağırır. Xüsusilə internetdə təqdim olunan şübhəli dərəcədə ucuz qiymətə inanmaq əvəzinə, avtomobilin texniki vəziyyəti, ehtiyat hissələrinin mövcudluğu və servis tarixi kimi faktorlara əsaslanaraq qərar verilməlidir. Əks halda, alıcı həm maddi ziyana düşə bilər, həm də uzunmüddətli texniki problemlərlə qarşılaşa bilər.

İslam
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.