Avto

"Nissan" məhkəməyə verildi - Maşın gedə-gedə qapıları açılır

26 Aprel 2025 09:34

Baxış: 2 156

VTB-də minimal faiz dərəcəsi ilə nağd kredit 9.9%-dən

#İQTİSADİYYAT #AVTO #NİSSAN MOTOR CO LTD #AVTOMOBİL

ABŞ-də "Nissan" markalı avtomobillərin hərəkət zamanı qapılarının qəfil açılması ilə bağlı şirkətə qarşı yeni məhkəmə iddiası qaldırılıb.

Milli.Az xarici mətbuata istinadla xəbər verir ki, 2013-2025-ci illər arasında istehsal edilən Altima, Rogue və Sentra modellərində təhlükəsizlik problemi yaradan texniki nasazlıqlar aşkarlanıb. Şikayətlərə əsasən qapılar bəzən avtomobil hərəkətdə olarkən səbəbsiz yerə açılır və bu, ciddi qəza riskinə səbəb olur. Avtomobil sahibləri bu nasazlığın təmir edilməməsindən və "Nissan" şirkətinin problemi vaxtında aradan qaldırmamasından narazıdır.

Bundan əvvəl də 2015-2017-ci illərə aid Altima modelləri oxşar səbəblərlə 363 min ədəd geri çağırılmış, digər modellərdə isə bağlanmayan və ya özbaşına açılan qapılar səbəbilə əlavə çağırışlar olmuşdu. ABŞ Milli Avtomobil Təhlükəsizliyi İdarəsi məsələ ilə bağlı araşdırma başladıb.

Yaşanan texniki problemlər və ard-arda geri çağırmalar Nissanın ABŞ bazarındakı nüfuzuna ciddi zərbə vurub. Şirkətin son illərdə satışları azalıb, investorların inamı sarsılıb və bu vəziyyət, bir zamanların avtomobil nəhənginin çöküşü kimi qiymətləndirilir.

Milli.Az