Avto

Ən dözümlü avtomobillər müəyyənləşdi: Rahatlıqla 400 min km keçən modellər

12 Aprel 2025 12:00

Baxış: 4 084

VTB-də minimal faiz dərəcəsi ilə nağd kredit 9.9%-dən

#DÜNYADA #İQTİSADİYYAT #AVTO #AVTOMOBİL #ALMANİYA #YAPONİYA #MAŞIN BAZARI

Avtomobillərlə bağlı analizlər aparan şirkətlərdən biri olan "iSeeCars" 400 milyondan çox nəqliyyat vasitəsi üzərində apardığı araşdırma nəticəsində ən uzun ömürlü sedan modellərini açıqlayıb.

ABŞ mənşəli şirkətin araşdırmasına görə orta statistik bir avtomobilin 400 min kilometr yürüşə çatma ehtimalı 8,6 faiz təşkil edir. Bu göstəricini keçə bilən modellər isə xüsusi olaraq siyahıya salınıb.

Tədqiqat zamanı qəza məlumatları, zərbəyə davamlılıq və əyləc sistemləri kimi müxtəlif texniki göstəricilər əsas götürülüb. Nəticələrə əsasən, məşhur Alman avtomobil markaları bu siyahıya daxil ola bilməyib. Ən yüksək davamlılığa sahib modellər sırasında isə Yapon istehsalı avtomobillər ön plana çıxıb.

Budur 400 min kilometri keçmək ehtimalı ən yüksək olan 5 sedan avtomobil və onların uğur nisbətləri:

1. Toyota Avalon - 22,0%
2. Honda Accord - 16,6%
3. Toyota Camry - 13,5%
4. Honda Accord Hybrid - 13,1%
5. Toyota Prius - 12,6%

İslam
Milli.Az