Avto

Tramp avtomobil nəhənglərini çökdürür

8 Aprel 2025 14:12

Baxış: 2 334

VTB-də minimal faiz dərəcəsi ilə nağd kredit 9.9%-dən

#DÜNYADA #İQTİSADİYYAT #AVTO

Donald Trampın yeni idxal vergisi qərarı dünya avtomobil nəhənglərinin qiymətlərinin düşməsinə səbəb olub. Toyota, Nissan, Volkswagen, Mercedes və Ford şirkətlərinə xeyli ziyan dəyib.

Milli.Az xarici mətbuata istinadla xəbər verir ki, ABŞ Prezidenti Donald Tramp keçən həftə yeni vergi qərarı elan edib. Bu, xüsusilə Yapon və Alman avtomobil istehsalçılarını çətin vəziyyətə salıb. ABŞ-nin bütün idxal avtomobillərinə 25% gömrük vergisi tətbiq etməsi qlobal avtomobil şirkətlərinin səhmlərini riskə atıb.

Bu qərar nəticəsində avtomobil sahəsində milyardlarla dollar itkilər yaşanır. Yalnız Asiya istehsalçıları deyil, həm də General Motors, Ford və Tesla kimi şirkətlər də dəyər itirib.

Ən çox zərəri yapon istehsalçıları görüb. Toyota, Honda, Nissan və Subaru-nun səhmləri kəskin düşüb. Toyota 13%, Mazda 19%, Nissan 20%, Subaru isə 15% dəyər itirib. Hyundai və Kia da 10% və 9% itki ilə üzləşib.

Alman avtomobil nəhəngləri BMW, Volkswagen və Mercedes-Benz-in səhmləri də ABŞ bazarında 9%-11% arasında geriləyib. Ferrari isə 9% dəyər itirib.

ABŞ, Çin-dən sonra dünyanın ən böyük ikinci avtomobil bazarını təşkil edir. 2024-cü ildə ABŞ-də 16 milyon avtomobil satılıb. Bazarın lideri General Motors, 2.7 milyon avtomobillə birinci sırada yer alır. Toyota isə 2.3 milyonla ikinci sıradadır. Ford, Hyundai, Honda və Nissan da ABŞ bazarında yüksək satış həcmi ilə diqqət çəkir.

İslam
Milli.Az